النصيحه احيان يمكن تكون فتنه📍📍📍

السلام عليكم
م اعرف أبدا بالمقدمات لكن فيه موضوع حابه أنبهه عليه
والي هو تجيك وحده شغلتها الوحيده تحاول تنصح الي حولها تظن انها تبغا مصلحتهم وللاسف تعتبر فتنه بعطيكم امثله
انا اليوم قريبه لي كان عندها موعد وحطت اولادها عندي وهي اول مره تسويها المهم كنت أكلم وحده وقلت لها الا شوي تنط وتنصح كيف تسمحين لها وانتي مو حضانه 🤪 سبحان الله حسستني اني بزر وان الحرمه ذي عيالها طول الوقت عندي رغم اني والله م شكيت لها الحال بالعكس كنت مبسوطة فيهم
وكمان العام أولادي كأنو روضه والصباح انزل وأوقف لهم لما الباص يجي والظهر نفس الشي وجارتي وظيفتها تطل مع الشباك👀👀 وصرت شغلها الشاغل وهاتك ي نصايح وزوجك ايش دوره بالحياة والباص ليش المشرفه م تطلعهم لك متخيلين سنه كامله وهي تنتظرني اتغير 🤣🤣وتحاول تقنعني ان زوجي كارفني وماعنده مسوليه طيب حتى لو إنّو كارفني هي كذا تحاول تسوي فتنه حتى لو كان قصدها مصلحتي
وآخر موقف صديقتي متزوجة وأهل زوجها بالإجازات يجون عندها وهم كثار وفعلا تنكرف بس كانت تقول لنا انا انبسط لو إنّو ازعاج وصارو سلفاتها تحريش ونصايح ويحاولون يخلونها تتغير وماتستقبل أهل زوجها يقولو لها اطلعي استانسي وهاوشي عيالهم لما المسكينه سمعت كلامهم وصارت تطبق نصايحهم المهم ان أهل زوجها قلبو عليها وقاطعوها شايفين السلفات الي نصحوها صاروكل وحده تنادي أهل الزوج عندها🤔
الزبده من كلامي نصيحه لكل وحده لا تحاولين تنصحين وحده م اتكلمت ولا اشتكت حتى لو كانت اقرب انسانه لك لئنك م تدرين يمكن تنبهينها علا شي ماكانت منتبهه له او كان عادي عندها ومن نصايحك تخربين بينها وبين الي حولها
🌺🌺🌺