مت وانا حيه

اشكر ربي الحمدلله

بس يكون عندك زوج شايف نفسه لنه ماخذك وش بتقولين ويبيك مثل الخدامه عنده ماينظر لك كزوجه لها حقوق

لتذكرت زوجي الاول اموت الاول لو جرح بسيط في اصبع رجلي يجي يعقمه ويلف عليه

والزوج الحالي يحسب الريال وين راح جعلني اروح من عنده على خير

الله يكتب لك الخير

حاولي تتناسي الاول. بتتعبي كثير اذا بتتذكري كل شوي. الزوج الحالي دامه بخيل ضروري تتوظفي. بتقدري تصرفي ع نفسك ويكون لك حياة ثانيه مجتمع وعلاقات وانجازات لك لها تاثير كبير تشغلك عن الزوج شوي. لو فرضا ماكملتي دراسه كملي. ضروري تخرجي من جو البيت اللي حاصرتي نفسك فيه حتى لو تدخلي دورات. تحفيظ وغيره. الحياه اكبررر. من زوج اسعي لتقوية صلتك بالله كلنا نغفل وننشغل بهالدنيا لكن الدعاء وتكرار قول الحمدلله ع كل النعم الاخرى. وقراءة سوره البقرة. وسماع مقاطع تقوي الايمان بالقلب بتخفف عننا. الكثييبر ونستصغر المشاكل اللي نمر فيها اهتمي بنفسيتك اكثرر اعملي رياضه باستمرار حتى لو نحيفة اقلها المشي يوميا ٢٠دقيقه. بالهواء الطلق احيانا. نقص بعض الفيتامينات يزيد الكابة مثل ف د. خدي التلبينه الشعير المطحون اقراي عنه ورد بالسنه النبويه الله ييسر امورك ويوفقك

استخيري قبل تتخذي قرارات متسرعة و أكثري من الأستفغار و أعلمي بالصلاة و حضور القلب فيها و أشغلي نفسك عن الأول أهتمي بنفسك و أقرئي سورة البقرة علشان البركة تحل بحياتك و يزل الله عنك الهم و الحزن الله يسعدك ويصلح حالك

صباح الخير
عافيه
بالنسبه لزواجك الاول ماضي وانتهى
شي مات كل ماتذكرتي اي شي منه قولي مات
وكلمي نفسك قولي مات مات
الثاني مااستمر خيره
انتي الثالث هو الحاضر هو اعتبريه اخر فرصه
اكتبي عيوبه وحسناته
اذا فقير واخلاقه زينه ويطبطب عليك
وتحسينه شريك ويعطيك اسراره
فرفوش ويحتويك وكلامه مو جارح لك
واهم شي يحترمك يحترمك كملي معاه
اذا تحسينه تافههه والحوار بينك وبينه معدوم مافيه تكافئ بالنقاش ولا بالافكار
ماعنده استعداد يتقدم ويتغير
هجومي متمسك برأيه
هنا عاد الطلاق انسب لك
صعب صعب جدآ تعاشرين شخص جاهل
ماعنده مقومات الحياه الزوجيه
الا اذا بتعاملينه مثل الطفل وتحاولين فيه
وبتعدلين فيه وهو مرن
علميه وش تحبين وش تكرهين هو يستجيب لك ولرغباتك طلعاتك سفراتك
اذا جوك ضيوف
كلها تبين معدن الرجل
اذا مافيه شي خلاص لا يكلف الله نفس الا وسعها لا تجلسين تلوميني نفسك وتجلدين ذاتك ماتسوى عليك تنهمين عشان رجل
ابني لك مستقبل لوحدك وتوظفي لو كنتي موظفه خير وبركه كثير بنات تكفي بزواجه وحده والاكثر حتى مامعها اطفال وربي ماشيه حياتهم والوحده مريحه رأسها
قدر وانتهى ماحبت تعيد التجربه
ماني كاتبه استغفري واقري قران وكلام اعاده كله معروف الوحده تصلح هالاشياء لربها عباده وروتين اساسي واذاةالبنات ترجع تقرا وتستغفر وبعد فتره تنتكس لانها ماعرفت ربها الا وقت الحاجه
والله يكتب لك اللي فيه خير