مشكلتي كيف احلها

الحل روحي اهلك قبل هي تجي
وساعتها ابنها يتفاهم معاها
اذا هي تجي العصر اطلعي قبلها بساعتين
روحي اهلك منها تطمني على والديكي وتجلسي ساعتين
وبعدها وتروحي من عندهم لمشاويرك


صدقيني أي كلمة بتقوليها لها غلط وبتصير مشاكل
واذا زوجك رفض يوديكي روحي مع اخوكي او مع السائق

قولي لها ياخالة انا بخرج البنات تعالي معانا غيري جو
اذا جت الله يحييها بركة ان شاء الله و اذا ما جت ترتاح في البيت افضل


اذا بتروحي عن احد قولي لها يا خالة انا عازمتني ام فلان الله يحييك معانا اذا ماتبى خليها ترتاح او يمكن ترجع بيتها

كانت جذي قريبتي وتصير قريبة زوجي بعد ... الجمعه تجي تحضّر عندي ...وجه حسن وسوالف سنعه وشاي وقهوه.....
طيب انا ابي اطلع ؟ ابي اتونس ؟ شلون ؟


اقولك شلون .... قريبتي تجي الساعه وحده ☺️.. انا اقعد تسع ونص نتريق واجهز عيالي وشاي وقهوه واقول لزوجي ودنا نتمشى نغير جو. ونتغدى برى اذا ودك ....


اول مره...قريبتي انصدمت وزعلت تخيلي ازعلت ☺️☺️... المره الثانيه .. نفس الشي من اول الظهر قشقشت حالي وعيالي ورحت .... وازعلت بس اخف من المره الاولى ...
المره الثالثه ... طلعت بدري من الصبح للمباركيه ... واتصلت ع زوجي قالت انها تبي تجي وقالها طالعين ....والحمدلله مازعلت وخلاص .... تعودت انها ماتجي الا باتصال قبل بيوم ....


الشي يبي له تعويد ...بس لازم خطوه جريئه منك ...وهو اطلعي قبل بوقت .... وحمدلله من كلامك منتي مقصره معها ... وجزاك الله خير ...ولنفسك عليك حقا....وبتصرفك هذا مايخلي احد يمسك عليك كلام او زعل ... لان الحق يصير مردود عليها .. انتي طالعه منتي بالبيت عشان تستقبلينها ☺️☺️... واريح لك من قالت وقلنا وصار وصار ...وزوجك يتدخل وتكبر السالفه ..ويمكن يجبرك تقعدين عشانها ...

اه يالدنيا
صراحه موضوعك ضايقني
كلنا حطينا نفسنا مكانك
محد حط نفسه مكان أم الزوج
ماشاء الله عندها ٥ وتجلس وحيده ويتحاذفونها بينهم كلهم بيطلعون وينبسطون محد فكر إيش يبسطها


اعوذ بالله من ارذل العمر

يسهذكم وحده وحده اللي ردوا علي لاخلا ولاعدم امس كتبت من قهري وحرتي الان توها طالعه من عندي وقلت اشووف ردودكم ربي يسعدكم وبأذن الواحد الاحد اطبق الردود اللي فيها حل للمشكله بدووون ما اقع انا بمشكله لان الواحد ماياخذ من الدنيا الا الجماله وبنفس الوقت مايبي يحمل نفسه فوق طاقتها نورتوني ببعض الافكار وبأذن الله اطبقها واعلمكم الي يسير معاي على الاسبوع الجاي عاد تدروون انا اليوم السبت مخصصته غسيل وتجهيز لبس الاسبوع تخيلوا اني اروووح المطبخ احط غسله وتجلس تناديني اجلسي تقهوي اجلسي ارتاحي وتجلس تسولف علي سالفه طويله طيب انا بشتغل بغسل بكوي ييعني ارهاق نفسي فضيع والله يكتب الاجر