حساسة او لا؟
مرحبا خواتي شخباركم شو علومكم صارلي موقف اليوم حز في خاطري وضايقني ما ادري اذا انا حساسه بزياده ولا ! المهم انا عندي بنت واهتمامي كله فيها طلعاتي ودخلاتي كله وياها وهي بتكمل سنة المهم قبل فتره حرقت ايدي لاني كنت اسوي حليب حق بنتي وبنتي كانت بعيده عني واخاف عليها من نسمة الهوا! وحرقي من الدرجة الثانيه ! المهممب هذي سالفتنا كنا انا واحتي الاكبر واخواتي الاثنين طالعين من المستشفى زايرين وحده ياهل من اهلنا ونحن طالعين قلت حق اي اخوي بالمصخرة شفت انا مسكينة شو استوى بإيدي ف رد عليه وهو يقول حق اخوي الثاني الكبير اللي اكبر عني باكثر عن عشر سنين شفت شو استوى بايدها والله انتي من يومج خبلة وهو مبتسم ف رد اخوي الكبير انا ماعرف كيف اتزوجت هاي !! وصد عليه وقال شوفي بنتج مب بعد يستويبها مثل سكريها يرتفع نفس الياهل اللي زرناها فالمستشفى (يعني يقصد روحج خبلة ) قلتله انا ايدي احترقت عشان اسوي حليب حق بنتي ! وهم يتضحكون بس حسيت انه كلامهم من قلبهم اني خبلة ومب قد المسوءولية ! انتو بدالي بتتضايقون اذا حد فكر فيكم بهالطريقة وتحسون انا حساسة بزياده ولا يحق لي اضايق؟ اتمنى الرد