الاكتئاب وجرثومة المعدة والقولون العصبي

السلام عليكم بنات انا من الاردن بس دايما بقرأ تعليقاتكم وحبيت اشارك بالمنتدى واكتب اللي بحس فيه .. لاني والله تعبت بتمنى تردو علي وتعتبروني اخت الكم ..
من فترة اجتني حالة غريبة اصحى بالليل بحس ملك الموت عندي واحكي شكلي راح اموت وصار عندي وسواس بشكل مش طبيعي كل شوي احكي شكلي مريضة بهيك وراح اموت واتخيل حالي بالمستشفى واني متت والناس زعلانة علي
المهم مع كترة الوسواس حسيت بطني دايما بينفخ وتيجيني تقلصات توسوست بزيادة وصرت ابحث ع جوجل كتير وكل شوي اطلع بحالي اشي لحد ما قررت ازور دكتورة نسائية وزرتها وحكتلها انو عندي التهابات فكرت كل اللي بصير من الالتهابات ووصفتلي مضادات حيوية كتير وبعدها بدت معي المشاكل خفقان وتعب وضيقة وكتمة واستفراغ رحت رجعت ع دكتور تاني حكالي معك قولون عصبي ووصفلي دوا تحسنت عليه بس مع هيك ضليت موسوسة وكل شوي ابحث ع جوجل واطلع فيي الف علة لحد ما اقنعت جوزي انو يرجع بعملي تحاليل وعملت وكل شي سليم الا جرثومة المعدة عملت تنظير للمعدة وللقولون واعطاني الدكتور ادوية استعملتها وما قدرت اكملها وهون بدت المشاكل والله من اربع اشهر لهسا ما شفت الخير والحمد لله طلع عندي نقص فيتامينات شديد وكل شوي بس ببكي لو حدا حكالي مرحبا تلاقوني بس بكاء وافكار سلبية واكتئاب مش طبيعي وكل شوي تطلعلي شغلة والله كرهت الدنيا وكل شي كنت اشوفو حلو كرهتو بطلت اقدر ابسط حالي حاسة كل شي ما ببسط صرت زايرة اكتر من مستشفى واكتر من دكتور وكلهم بحكو نفسية وانا للان مصرة انو فيي اشي دايما تعبانة اهملت جوزي واهلي وداري والله الشكوى لله .. الله اعلم باللي بمر فيه مش عارفة شو اعمل امانة اللي عانت زيي تدلني شو عملت ما خليت دواء ولا اعشاب الا استعملتهم كل شي ع الفاضي وزايد علي الفطريات اللي بتمي ونقص المناعة ووجع المعدة والتهابات مسالك بولية والله كرهت كل شي بحياتي تعبت 😔😔😔