👶🍼تجمع المتفائلات بالحمل شهر 3 و 4💖💙 لعام 1440

الله يرزقك يارب ويرزقني بهذا الشهر انا زيك سليمه وزوجي نفس الشي وماحصل حمل مادري ليش سبحان الله يارب يكرمنا ياللله

انا يعورني قلبي الناس واهل زوجي خصوصا اخ زوجي الاصغر عنده ٢ وزوجي اكبر وماعنده المشكله زوجي هوا اللي يسألني شهريا سرت اشيل هم اقوله الدوره جات او بتجي لانها تقفل معاه ويزعل مررره مره وانا اصلا خلقه اكون زعلانه ومنهاره اكثر منه نفسي اعرف ايش مشكلتي نفسي ربي يكشف عني الضر واعرف إيش السبب مو معقوله يحصل التقاء يوميا بدون اي موانع ولا يصير حمل ابدا ابدا شي غرررريب يالله بس انا صرت اشك ان ماعندي تبويض اصلا وناويه اشتري جهاز تبويض واشوف كيف

طيب تابعي تبويض خذي منشط اعملي بالأسباب ولاتنسي الصدقه انصحك فيهاتصدقي بنيه ان ربي يرزقك الحمل حطي مويه في المسجداووزعي كم مصحف على المساجدوالدعاءباالحاح وسوره البقره انتي اعملي بالأسباب وفي النهايه كله بامررب العالمين حتى لوانتي سليمه وزوجك سليم هي مشيئه الله عزوجل اذا ارادسبحانه يقول له كن فيكون وانصحك في خلطه الرويس احيانايكون تاخرالحمل سبب روحي وكمان خففي من التفكيروسلمي امرك للواحدالاحد ربي يرزقك ويرزق كل بنات التجمع بالحمل السليم المعافى عاجل غير آجل يارب العالمين ويفرح قلوبكم

احمدي ربك انك سليمه وهرمون الحليب ضروري يكون اقل من ٨ كل الدكتورات يقولون عادي لين جيت دكتور عندنا مشهور وكثير حملن بقدره الله ثم سببه وقال مايصير حمل الا اذا الهرمون اقل من ٨
ثانيا انا كنت مثلك سليمه واتحلطم ومره رحت اكشف قالت الدكتوره فيه لحميه وطلعت ابكي ورحت لثانيه قالت مادري بس في حاجه حجمها ٩ سم ورحت لثالثه قالت في شي زي التقرحات ورحت لرابعه قالت ليف

انهرت وحسيت بقيمه العافيه وبالاخير نزلت الدوره ورجعت كشفت قال مافي شي

بس بنصحك سوي اشعه الصبغه حتى لو حملتي ترا انا سنتين وبالاخير اكتشفت انهم مسدودين من الالتهاب ووقتي وفلوسي راحو ع الفاضي .

بعدين لاتصدقين اللي تقولك نسيت حبه وحملت واللي تقول بالغلط مستحيل تحمل حتى لو نستها ليله بس عذر عشان ماحد يقول حملتي ورا بعض او وضعك مايسمح

احسني الظن بالله وادعي واستغفري

وجزاك بالمثل❤️