أبواب التوفيق مغلقه بوجهي

الله يشرح صدرك وينور قلبك بنور الايمان
دائما ادعي اللهم لا تجعل الدنيا كبر همي
و ادعي ي مقلب القلوب ثبت قلبي ع دينك
واحمدالله ع نعمة الصحه والاهل والوظيفه
اه لو تدرين عن قيمة الصحه صدقيني بتحمدي الله عليها كثييير
الله يرزقك راحه البال والشفاء التام من كل بلاء

كيفك مع الصلاه والاستغفار والذكر؟؟
زينيها مع الله تزين

بنصحك نصيحه طبقيها بإخلاص لله وخشوع وشوفي الراحه كيف بعدها وكمان تيسير امورك..
اول شي صلاتك بوقتها ماتتأخر (( مع ركعتين قبل الفجر)) .. استمري اسبوع اسبوعين شهر الين تحسينها خفيفه عليك وماتقدري تتركيها أبدأي بالسنن الرواتب لصلاة الظهر والمغرب والعشاء مع الوتر وصلاة الضحى واستمري شهر بعدها زوديها قيام الليل لو ركعتتين ادعي الله فيها بماتشائين...
ثاني شي بعد صلاة الفجر أقرأي وردك اليومي من القرآن صفحه او صفحتين مع تفسير الآيات..
بعدها قولي اذكار الصباح و بعد صلاة العصر قولي اذكار المساء
صدقيني يجيك شعور بالراااااحه والسعاده ... جميل القرب من الله... بعدها تدرجي بالطاعات خلي يومك كله تقلبات في الطاعات بالذات ذكر الله مثل التسبيح والتهليل والتكبير وغيره واذكار النوم ..
لا تنسي الصدقه وافضل حل سوي استقطاع شهر لجمعية مضمونه مثل رعاية الايتام لفضلها العظيم وتصدقي للجمعيات اللي تعالج الفقراء لو بمبلغ بسيط شهريا... تفنني في ادخال السرور على اي مسلم بالذات المحتاجين ....
اتبعي نظام صحي بالأكل مع مشي يومياً لمدة ساعه الى نصف ساعه بالذات مع الصباح وقبل الفطور تحسين بعده بسعاده..
زوجك انسيه جاك حياه الله احسني له و ابعدي عن العتاب والمشاكل رررراح من عندك الله يستر عليه انسيه...
امك مهما زعلت احسني اليها وتصدقي عنها وادعي لها..
واحمدي الله لا زال الله منعم عليك بنعم كثير غيرك يتمناها اهمها الوظيفه والصحه و البيت الخاص فيك..

يا اختي ليه تتركين الزكاة هذي ركن من اركان الاسلام استغفري الله كل يوم اكثر من مرة واسألي مشايخ العلم عن تركك للزكاة وتأخيرك لصلاة الفجر الله المستعان وخليك بارك لوالديك حتى لو ماكلمتك اسألي عنها لكن بيتك هذا من حقك محد له خص فيه لكن ماني فاهمة كيف عندك بيت وساكنة في شقة المهم اقتربي من الله وربك غفور رحيم يفرجها عليك

شق
يه تمليك