مواقف يوم الولادة او البنج 😣😣😣😣

ياحبيابي وانا بالشهر التاسع رجعت جده وكنت احب اهل زوجي حب شديد وأثاريهم يضحكون بوجهي مجالمه وفي ظهري طعنوا وانا متوكله على رب العالمين،ياحلوين اولمادخلت شهر التاسع بعدها باسبوعين او ثلاث بدوا الله يهدي الكل يحسب ولادتي ومتى ووووا وأفضل شي الواحد مايقول متى بيولد لانه بعلم الغيب او بعدي الموعد بشهر عن موعد الولاده عشان لحد يحسبلك ،والله ياحبيباتي أخذ واشرب بزيت الخروع وثلاجة قرفة وش كبرها وطللللق يقتل جاني وكل مااروح المستشفى يقولون مقفل الرحم وانتي ضريتي واتعبتي قلب البيبي وغلط ذي الاشياء،المهم طلع ماتشربين القرفه والخرابيط كلها الا لما يفتح معك الرحم ،المهم سبحان الله كمان سمعت معلومه انه:لما تفكرين بالولادة توقف هرمونات الطلق ولما تنشغلين وتنسين الولاده توليدين وهذا اللي صارلي

والمهم اللي صار رجعت بيت اهلي عشان خلصت اجازة زوجي ونفسياتنا زفت لاني تأخرت بالولادة والكل مستغرب مررره تأخرت وحتى تحريض ولاده سويت وجاتني التهابات منها،وهذا الاستعجال للولاده ،وكنت ببيت اهلي ونفسيتي تعبت وصار شجار عائلي وطلعت غرفتي اصيح وابكي وبعدين قلت يابنت انسدحي وطزززز في الكل ،الا يابنات توي انسدح على المخده وذيك البلونه تنفك من تحتي شلال مويه ،🤣🤣،أثاريها ولاده واتصل على أبوي واخوي ومفجوعه ولاابغى اقول للوالده عشان لاتجي معاي اخاف أفجعها مسكينه،وجاء أبوي مروووووق ويضحك وانا في نار وكل ماقلت يلا وديني المستشفى يقول اصبري يستوي القرص وانا وجهي ألوان من الألم والطلق وآخر شي قلت ييلااااا بسرعه وهو يقطع لي فواكه🤣🤣🤣🤣،اصبري يقول ماشفتي شي ههههههههه،والمهم وداني اخوي المستشفى وكل اخواني تجمعوا عندي وانا اقول للمرضه خرجيييهم،والرحم مفتوح ٥سم،وبديت اصرررررخ من قلبي وأقول حسبي الله ونعم الوكيل فيكم وادعي وادعي وادعي من قلبي في كل من قهرني وظلمني منهم ،ودعيت على اللي فتنت مابيني وبينهم ،والحمدالله الساعه ١ الليل دخلت كشك الولاده والساعة ٤ الفجر ولدت وأموري تيسرت

يوووة قصص الولادة رعب لاتذكرونى😪

يوم ولادتي ببنتي الله يحفظها ويحفظ عيالكم كلهم يوم جاني الطلق جاني المغرب عاد انا قايله لزوجي ان شالله يوم يجي الطلق ترا بشرب كف مريم عشان اولد بسرعه عاد هوا تحمس ومع مرور الايام جا اليوم الموعود وصحيت على اول طلقه المغرب عاد زوجي قال يلا اشربي كف مريم وشربت كوبين😂😂عشان اولد بسرعه مادريت الا والطلق سار نااااااااااار ويوم رحت المستشفى النيرس تقول لي امي الجهاز الي يقراء الطلق مبينلهم انو الطلق حار وانا رحمي مفتوح ٢سم بس عاد المهم قعدت انازع لين ربنا فرجها عاد وقت التنظف الدكتوره حسبي الله عليها نظفتني وخيطتني ويوم طلعت الغرفه الا واحس بطلق ثاني كانهم ناسين بيبي في بطني اقسم بالله قمت اصارخ زي المجنونه والنيرسات مستغربين جات دكتوره ثانيه غير الي ولدتني ودخلت يدها تحت وتفرك ومادري اش تسوي وقالتهم هاذي مهي نظيفه زين وباقي من المشيمه جوتها ورجعو شالوني ونزلوني عن الدكتوره حقتي وقعدت تدخل يدها الله حسيبها وتنظف وانا مخيطه شفت الموت مرتين😕والحمدلله بعدها طلعت الغرفه وانا شبه ميته 😂
وربي عوضني في شوفة بنتي الله يخليها يارب ليا ويخليلكم عيالكم❤️❤️❤️❤️❤️

الله يعينك تعب مرتين