شورو على بتطير فلوسي

معها

انتبهي من النت كذابين ويسوقون الفلوس اشتري ذهب

فلوسك احفظيها بالبنك مايحتاج تغامرين فيها وتضيعينها في التجارب الغير مدروسه

من كم سنه كان عندي موقع يتعلق بعملة البيتكوين دخلته من باب التجربه بإتفاقية معينه انهم اول شهرين يديرون الموقع ويشغلونه وكان يديره شخص من جنسيه عربيه معروف عنهم النصب هههههه

الموقع اشتغل اول الشهور عال العال وكان يجيني دخل شهري من اعلانات ادسنس توصل اكثر من 1000 ريال وهذا كان تحت تصرفي والفلوس تنزل بحسابي الشخصي كامله .

وفي مصدر دخل ثاني للموقع من اعلانات شركات البيتكوين ما كنت اعرف كم الارباح وكانت تحت تصرف الشخص اللي يدير الموقع وتنزل بمحفظه هو يتحكم فيها ويديرها وهذا الشي بموافقتي على اساس ان الموقع يحتاج مصروفات واعلانات وحملات شهريه وهم يصرفون من هذي الارباح .
وفي مصدر دخل ثالث هي الاحالات او اكواد احاله لمواقع اخرى للبيتكوين ماكنت اعرف كم ارباحها وكانت تنزل الارباح في محفظه خاصة بإسم اللي يدير الموقع << هذا الشي اكتشفته بعدين .
انا بما اني كنت موظفه في شركه مجالها الويب والتقنيه حسيت انه في تلاعب ونصب لاني من اول شهر اطالبهم يسلموني معلومات دخول الموقع ولوحاته وكان يتعذر بإنهم لازالو يشتغلون ويتابعون ويراقبون الاوضاع ولسه ما في استقرار واني ممكن اخرب عليهم الشغل وصبرت عدى شهرين ثلاثه واكتشف من صفحات الفيسبوك والمواقع الاجنبيه ان الناس يكتبون الموقع الفلاني نصاب ومايدفع ( يقصدون موقعي ) وارجع اكلم اللي يديره ويعطيني اعذار ان الارباح قليله ويحتاج فلوس واحول له واعبي المحفظه مرتين عملة بيتكوين واستمريت شهرين ثانيات ورجعت اطالب بكل شي يتعلق بالموقع وهذا حق من حقوقي كمالكه للموقع ومن هنا بدأ مسلسل النصب وخيوطه تتضح

وقلت له ماعندي استعداد اجدد معكم ادارة الموقع وانا راح اديره بنفسي وصار مايرد الا بالقطاره ولطعوني شهرين ثانيات ثم بالغصب اعطوني لوحة الموقع واضافوني بموقع المحفظه وباقي يعطيني لوحة دومين الموقع ويماطلني ويتعذر اعذار غبيه ثم اختفى ورجع يقول الشرطه في بلده تحفظت على جهازه ههههههههههه
يعني وقعت في نصبه قويه

وهذول النصابين جمعو من موقعي كميات كبيره من عملة البيتكوين وكانت هذاك الوقت سعرها نازل وبعد كم شهر ارتفعت اضعاف اضعاف سعرها وصلت فوق 20 ألف دولار يعني اليوم هم اغنى اغنياء بلدهم بسببي

كلامي بس سواليف وفضفضه اعلمكم اني منحوسه وكان بيني وبين الثراء شعره وانقطعت مثل اللي يشوف فلوسه وارباحه اللي يفترض انها في جيبه وحسابه طارت لغيره بكل برود 😂

حطيها بالبنك وانسيها والصرافة اكسريها😃
بعدها حتى لو بتصرفي ماعندك صرافة

وعليكم السلام ورحمة الله وبركاته


ادخريها عند الله ، خير استثمار مضمون 💰✨♥️
حتى لو قُدّر لكِ الموت ، تلاقين ربحك ماشي معك لهناك 🌧


وقفنا


اقسمي ثلث المال ، او حتى خُمسه ..
وفرقيه بالأوقاف ، وانفعي نفسك ..الاكل يروح بمجرد ماتأكلينه
واللبس كم سنه ويقدم وتملينه
والاثاث ان طول ١٠ سنوات وتعافه نفسك ..


قدمي لنفسك وانفعيها ..💖
محد بينفعك بعد ماتموتين ، كلٍ مشغول بدنياه 🍃


قال صلى الله عليه وسلم لبلال :
....🌧【 أنفق بلال ولاتخشى من ذي العرش إقلالاً 】




وسلي الله ان يبارك بمالك ، واحرصي على انفاقه بالحلال .