التجمع الأربعون (40) لرابطات عنق الرحم .. اللهم تمم حملنا بخير

لا تقريبا متواصلين بس مومره

بنات حركة البيبي اذا صارت فجأة تحت اكثر شي هل معناته اني رح اولد من افك الربط انشاءالله؟

لا مااتوقع

مدري تهاني اشوفها حركة مو حلوه منك جدااا تجرح وتصرفها طبيعي
خبر الحمل يكون بعلمك لا علمتي فيه اهلك وحمولتك تاكدي انه انتشر مافيها واحد اثنين
فاكيد هي عرفت من الناس وحز بخاطرها
ومن قال عشانها متاخرة بالحمل بيحز بخاطرها انك حامل ؟ طيب ماردك تولدين وتعرف بيحز بخاطرها الولادة بعد ؟؟ مره ماحب هالحركة وكنت ومازلت انجرح واخذ موقف من اللي تخبي عني حملها انا فقط خصوصا لو كنت قريبة منها .. اخت زوجي سوت فيني هالحركة خبت للسادس مع انها حملت بعد سنة من زواجها وكان حملها الثاني الاول كيس فاضي بعد عرسها على طول حملت فيه وقعدت تقولي وانا وقتها عروس مالي الا ٤ شهور ان زوجة حماها ماحملت من ٨ سنين وتعرفين الناس عيونهم ماترحم وخايفة على مشاعرها !! وهذرة لين بكرة ووللامانة طاحت من عيني وتغيرت علاقتي فيها وبحمولتي من بعد هالسالفة ١٨٠ درجة صارت رسمممية لابعد حد حتى هم حاولوا يتقربون مني ثاني بس خلاص حطيت لهم حد وكان جرحهم لي اكبر من ان يغفر طريقة تفكيرهم عني عورت قلبي وبالنهاية ولدها وربي هم يشحذوني ابوسه واعطيه وجه سبحان الله اشمئزيت من امه وصرت مابي اقرب من اي شي يخصها بعد تصرفاتها وحملت للمره الثالثة خلال ٣ سنوات زواج وهذا هو شهرها وتخيلي من حملت وهي تحط ادعية حفظ لنفسها وعايلتها والا تحط حمد على نعمة الذرية !! ولما وصلها خبر حملي صارت صورها عادية طبيعة او قهوه سبحان الله شكلها كانت خايفة مني مدري علي 😂😂😂





عكس بنت خالتي حملت وعلمتني وهي توها طالعة من المستشفى وبشرتني بجنس البيبي وقبل ماتولد كلمتني تقولي ادعي لها وربي اني رحت اشتري لضناها مثل ماودي اشتري لضناي ومرره مبسوطة فيه العابه وابوسه واشيله وخاطري مرتاح من داخل انها مو متحسسة اني متاخرة بالحمل

غيوم انا اتفق معك بكلمه قلتيها لاني حسيت فيها لاني مريت بنفس الي مرت به وان قصرت المده لكن بخصوص خبر حملي للان ماحد يدري باستثناء امي حتي اخواني مايدرون مادري متي رح انشر الخبر صراحه
انا لما اخفيت خبر حملي بصراحة موقصدي خايفه من العين السبب خفت يتكرر الي صارلي بحملي الاول علشان كذا ظليت شهور قلقه واحسب كل اسبوع بايامه
واتوقع اغلب الي بالتجمع عندهن نفس التوجه وطبعا هذا الشي نفسي ماحب احد يسألني عن حملي يالله اجاوب امي واقول دعواتك اهم ادري شي غلط المفروض أؤمن بس بصراحه هذا تصرفهم هم حريم عيالهن ماندري الا اذا ولدت وحتي لو في اجتماع يغطن البطن بحيث مايبان والله جد وحده منهم عندها ٧ ندري فقط اذا ولدت وتتعمد تختفي طول فترة حملها ليش مانصير زيهم ..
بخصوص بنت خالي هي الي اصرت وقالت اذا حملت الوحده منا موبلازم تعلم الثانيه واقضو حوائجكم بالكتمان ،وطبعا لي سوابق الله يهديها كذا مره نقلت كلامي وبالاخير يحطونه براس امي المسكينه انها هي الي اتكلمت انا مابي هذا يتكرر اتعلمت وقتها ان الاسرار ماتتعدى صدر الانسان اذا خرجت انفلتت خلاص باستثناء الام خاصة اذا كانت تخاف علي من الهوى الطاير