بنات طمنوني مابي اخسره وانا فاقده ابوي 😔

السلام عليكم
زوجي قبل فتره كان دايم يحس بتعب ويقولي مثلما ماعندك اب رح يكون ماعندك زوج 😔للعلم ان ماعندي احد الا هو لا اخوان وابوي توه متوفي .. صار زوجي بسرعه يحس بإرهاق وصداع راح الدكتور طلع ضغطه مرتفع وتضخم في عضلة القلب عطاه حبوب عن الضغط بعدين راح للمانع وحطوا له جهاز قياس الضغط لمدة ٢٤ ساعه كان خلالها معانا ويشتغل لما راح يشيل الجهاز قاله الدكتور ان ضغطه مرتفع ومتذبذب وانه ارتفع في مره وهو نايم كان وصل ل ٣٠٠ 😰 وقاله كلام مرره قوي قاله ان ممكن في اي وقت يتعرض للسكته القلبيه بعيد الشر .. وانه وضعه خطير المهم رجع البيت وهو جداً متضايق لدرجة انه تعب اكثر للعلم ان فترة ماكان الجهاز عليه كان صحته كويسه ولا كان يعصب ووقت الي ارتفع ٣٠٠كان نايم ولا كان فيه شي .. المهم من قاله الدكتور كذا وهو تعبااان .. قاله يستمر على حبوب الضغط .. للعلم ان زوجي زايد وزنه تقريبا ٢٧ كيلو او اكثر .. بنات طمنووني هل ممكن يتعالج مريض الضغط ؟ وهل الجهاز دقيق وصحيح ممكن يوصل ٣٠٠ وهو ماكان تعبان ؟ فشكيت بصحة الجهاز ..دايم يقولي خايف علي اصير لحالي من بعده وماعندي احد .. 😓انا خاايفه عليه وتمنيت ان ارتفاع الضغط مؤقت .. الدكتور الي قبل قاله ينزل وزنه رح يصير افضل ..الدكتور الي في المانع كلامه بس يجيب المرض .. بنات الله يجزيكم خير طمنووني يكفي الي فيني من هموم وحزن من بعد مافقدت ابوي 😔

34 تعليق 5,926 مشاهدة

شاركي في النقاش

سجلي الدخول لإضافة تعليق.

التعليقات

32
  1. @nysan_5

    الله يحفظه لك ولا يحوجك لغير الله


    حبيبتي ماحد يموت ناقص عمر
    مو شرط اذا عنده ضغط انه راح يموت
    هذولا شباب بكاااامل صحتهم يموتون في حوادث وقتل
    الصحه ماتحدد طول العمر ي قلبي
    توكلي على الله
    ويمكن عمره اطول من عمرك لا توسوسين
    ادعي وتصدقي وعلميه يتصدق
    وينزل وزنه
    وماعليه شر ان شاء الله
    والمهم شيلوا فكرة الموت من بالكم ليش النكد قبل وقته
    ياما ناس مرضى ضغط وسكر ولما ماتوا ماتوا باسباب ثانيه
    مو شرط انه راح يموت بسبب الصغط او القلب
    شيلي الافكار هذي من بالك ودايم اقري قرآن
    الله يطمن بالك
  2. @latlomonh1436

    الله يخليه لكم يارب....
    خليه يشرب زمزم
    ويرقي
    وينام على البقره كل هالأشياء تهدي البال وتريح النفسيه.
    وحاولي لايفكر بتعبه وبمرضه
    وشوفي الأكل المناسب وسهو وسويله
  3. ياقلبي انتي..
    اول شي الدكتور السلبي هذا لا تروحون له مرة ثانية..


    ثاني شي.. انتي الحين دوووورك لا تضعفين أمامه عشان مايشيل همك وتتحسن نفسيته.
    الصحة النفسية تنعكس ع الصحة البدنية.
    وشربيه كركديه ينزل الضغط ولا تحطين له ملح ع الاكل ابد وخليه يكثر ماء ويمتنع عن القهوة والشاي وبإذن الله يرجع احسن من اول.
    واستغفروا دايم انتي وياه وخلولكم مجلس ذكر أو حلقة تتدارسون فيها القرآن.. سبحان الله الذكر يريح ويهدي النفس.
    والأعمار بيد الله سبحانه.. ناس أصحاء ومايشكون من اي مرض ويموتون فجأة وناس فيهم أمراض خبيثة ويتشافون منها ويمد الله في أعمارهم.


    والله يحفظكم لبعض🌷

تابعي تجارب أخرى من هذا القسم.