التجمع الأربعون (40) لرابطات عنق الرحم .. اللهم تمم حملنا بخير

اخباركم بنات
اخبار التجهيزات معكم!
انا بقى لي اشياء كثيره ملابس رضاعه بشتري فستان رضاعه للمستشفي بس مادري وين احصله😞 سمعت بالهرم الشهر الجاي بفرفر به انشاءالله
بعدها برتب شنطة المستشفى
وشوية اعشاب باشتريهم (حلبه ،شمر ،بابونج وهكذا
وشنطة البيبي لسا ماشريتها
اخر شي رح اجيبهم البابرز والمناديل المبلله وكريمات الالتهاب
وكرسي السياره ممتاز لشيل البيبي به وللتنقل بدل ماشيله بيدي
الي شريتهم؛
السرير
ملابس البيبي مع بطانيه
طقم رضاعات للحاجة
اطقم مناشف
طقم شاور شامبو للحمام
وبس

الحليب الطبيعي بسرعه ينهضم ويجوع الطفل بسرعه يجلس كل نص ساعه وهو يبكي يبغى يرضع لاينام زين ولايشبع لان المعده صغيره اساسا عكس الصناعي يطول على ماينهضم وبكذا يلاقي الطفل وقت للنوم ووقت للرضاعه وانتي كمان يبغالك راحه 😓
بالنسبه ان ربة البيت ماعندها عذر ماتدرين وش وضعها صحيا بعضهم تتعب وبعضهم يجيها اكتئاب وبعضهم اطفالهم مايشبعون وهالشي ارهاق لها بالذات وقت الاربعين انا كنت ارضعها طبيعي بس انهلكت ماصرت انام لا بالليل ولا بالنهار وكمان بنتي من الجوع ماتنام كل شوي تصحى تبكي
وبعد ماجبت لها حليب صناعي ارتحت الحمد لله وهي ارتاحت صرت اعطيها صناعي وطبيعي وكبرت بسرعه اذا فيك شِده تشفطين وكمان ترضعين من صدرك الله يقويك بس مصيرك تغيرين رأيك اذا جربتي 😂

فعلا الرضاعه الطبيعيه تنزل الوزن وبقوه اختي كانت ترضع طبيعي بس والله انهلكت وصارت كأنها عصااا وخرب جسمها وبنتها بعد ماكبرت ماتقبلت أي حليب تبغى صدرها وكمان بنتها صحتها مره ضعيفه

مرحبا بنات


انا دوم حملاتي مافيها اي مشاكل
الا اخر حمله جاتني ولادة مبكره بداية الشهر السادس
وقالت لي الدكتورة انه هالشي عرضي بس احتياط الحمله الجاية اعملي ربط


وانا الحين حامل في البداية ومحتارة اسوي ربط او لا
لانها قالت حتى لو مايحتاج بس احتياط

استخيري وشاوري كذا دكتوره بصراحه الولاده المبكره شي فظيع يارب ماتتكرر لاحد افضل اربطي حتى ماتلومي نفسك الله يتمم على خير
انا ولدت بالخامس مر
ومره ولدت نهاية الثامن وهالحمل غصبن عني ربطت لي الدكتوره الله يتمم على خير لنا جميعًا 😔