ماشاء الله انتم هنا وانا هناك 😂😂 الله يجعله تجمع فرح وخير 💕
كتبت هذرتي في التجمع القديم ونسخته 😂
بنات ودي افضفض من باب السوالف وانتم عطوني رايكم زوجي الله يصلح قلبه ويسخره لي انتظره ياخذلي موعد في قوى الامن بحكم عمله في وزارة الداخليه والى الان مكانك سر 😟 تقريبا لي فوق الشهر وعليها وكل صبح اذكره ويقولي ابشري وسمي وان شاء الله واذا رجع من دوامه يقولي مامداني او خويي اللي يشتغل في المواعيد مسافر وفعلاً هو مسافر حتى وراني سناباته قال شوفيه مسافر .. والمشكله انا عظام فخوذي ومنطقة العانه كلها توجعني وابغى اسوي تحاليلي مره وحده بالحكومي واخذ النتايج لدكتورتي بالخاص وتصرف لي الادويه ، وغير كذا المشيمه عندي نازله لي شهر ماسويت اشعه ابي اعرف وضعي هل ولادتي بتكون طبيعي او قيصري .. والمشكله الاعظم اني هالاسبوع بسافر لاهلي 💕 بجلس عندهم تقريبا اسبوعين او لين تنتهي الاجازه يعني ياليل مطولك 😂😂 وغير كذا ذاك اليوم قالي زوجي ان قوى الامن اذا دخلتي السابع مايقبلون حالتي 😱 احر ماعندي ابرد ماعنده هو شكله تعود اني اولد عن اهلي وانا حالفه خلاص اولد بالرياض ياعمري ي اهلي ينخرشون وتنغرف قلوبهم وهو يجي ثاني يوم ويتحمد بالسلامه مايدري وش صار ولا شاف اللي حصل ..
المهم ياكثر بربرتي وهذرتي بس من حر ماونس قاهرني ربي يسخره ويفكني من بروده
👶🏻التجمع💖💙*((الثامن 28والعشرون))💙💖لاحلى مواليد(مارس*ابريل)2019
متابعة النقاش، صفحة 24