مجرد فضفضة بعد منتصف الليل

بنات حاليا امر بفترة غريبة ما ادري ايش اسميها
حاسة اني وحيدة رغم اني وسط اهلي واطفالي ومع زوجي بس احس بحاجز غريب..اكل وما احس بطعم الاكل ..احس كل شي ماله قيمة ابدا..
ماعندي طاقة اني اتكلم او اهرج مع احد ابغى اخرج اشم هواء او اتمشى مو قادرة مربوطة اقول احسن ارتاح في البيت احس بخمول مو طبيعي قلت يمكن عشان الاجواء باردة
انام بطريقة غريبة لدرجة زوجي يقولي نومك كانك هاربة من شي
فجاة حسيت انه مكاني غلط مدري كيف اوصف احساسي احس كاني كنت غايبة عن الدنيا وفجاة لقيت نفسي زوجة وام والمسؤولية كبيرة علي ومو قادرة عليها نفسي اكون لحالي وبس
مين مرت بنفس ها الاحاسيس وكيف خرجت منها
الحمدلله محافظة على صلاتي واحاول يوميا اشغل قرآن في البيت كنت ملتزمة بالبقرة للاسف وقفتها احس شي مانعني عنها والحمدلله على كل حال
كل يوم اقول بكرة ببدأ بداية جديدة كلها امل ونشاط وانجاز اصحى الاقي جسمي كله يألمني ومزاجي متكدر والحمدلله على كل حال
اي صح كل ما ابغى اسوي شي يجيني احساس انه مالو داعي تسويه في الاخير راح نموت حتى لمن ارتب اغراضي افكر انه راح يجي يوم وتتركيها فما احس بقيمتها مجرد اني ارتب وانظم من غير احساس ايجابي

38 تعليق 9,062 مشاهدة

شاركي في النقاش

سجلي الدخول لإضافة تعليق.

التعليقات

37
  1. وربي لي اكثر من 3 اسابيع مثلك بالظبط

    بس انا مانام اذا جيت بنام احس بضيق شديد
    وافكر بالموت
    وكمان صرت عصبيه على اطفالي وزوجي
    مو عارفه من ايش
  2. @fd_8

    حالتك من الملل والروتين


    تجيني تقعد فتره وتروح


    وياقلبي القران اقرئيه كله مو بس البقره


    ❤❤
  3. @tlakyna_2

    وصفك بداية لحالات الاكتئاب
    وانا متابعة مواضيعك واعرف الوضع اللي تعاني منه
    ممكن بسبب هالشي سببلك حالة من عدم الرضا عن الواقع وبدئتي تدخلي في حالة من الاكتئاب
  4. @sbahat_alshtaaa

    يمر عليا أوقات أفكر زيك
    وأفكر بالحياة والموت وأخاف واكتئب
    مادري يمكن اكتئاب نفاس
    لأن جاني بعد ولاده
    بس اتعوذ من ابليس
    هو الي يوسوس لنا ليحزنا
    ربي سبحانه خلقنا لعبادته ما خلقنا ليشقينا ويحزنا
    سبحان الله يطمئن قلبي لمن افكر إن الله أعدل العادلين وأحكم الاحكمين و أرحم فينا من امهاتنا
    ليش نخاف؟؟
    أعبد الله وأحاول احافظ على صلاتي وعبادتي
    الاذكار تقريها بتدبر
    دعاء الهم والحزن


    احيانا اكلم صديقه لي فرفوشه ماشاء الله الله يسعدها تحسسك الدنيا حلوه ومواقفها تضحك
    ما اشكي لها ولا اسولف بشي محزن بس كلام عادي يخليك تغيرين افكارك تفكرين بشي جديد
    أحاول أخرج حتى لو لأهلي
    أشوف برامج مضحكه
    أهم شي حاربي الفراغ
    اشغلي نفسك بالمفيد تلاقين نفسك مبسوطه وانجزتي لدنياك واخرتك
    الله يبعد عنا الهم والحزن يارب

تابعي تجارب أخرى من هذا القسم.