تكلفنا الزايد

سلام عليكم يا احلى اخوات
وصباح الخير والانشراح والسعاده يارب
جالسه أفكر يابنات بحاجه والله انها حازه بخاطري يمكن الموضوع مو اول مره ينطرح بس احس مرره زاد عن حده
اللي هو التكلف الزايد وقت العزايم او حتى لما تكون جمعات اهليه
التكلف والمظاهر هذه زادت بس عشان التصوير بالسناب والمقارنه بين بعض لان فيه حريم مو كل شي يقدروا يشترونه وتصير تستحي تعزم الا لما يكون معاها مبلغ كبير شوي عشان التقديم والعشا ووو
يرحم زمان اول والله يابنات اللي لاحظته بعد السناب ان العزايم قلت مره لان العزومه صارت تكلف صاحبتها فوق طاقتها لان صارت زي المنافسه
دخلت على حساب بالانستغرام للحلويات وشفت التقديمات الفخمه ماشاءالله ابداااااع ونص اللي بالكومنتات جالسين يتحسرون على نفسهم وبيوتهم
انتو ايش رأيكم تحسون ان السناب خلانا نتكلف فوق طاقتنا صح ؟
وغير كذا احس انه يشجع على التبذير كل ما يطلع شي جديد نروح نجيبه وماشاءالله الكسبانين هم اصحاب المحلات
والشي الثاني الضيقه وقل البركه اللي تجي من ورا التصوير انا عن نفسي لما اجلس أصور جلستي وقهوتي وأي شي يخصني مع العلم ان التصوير يكون عفوي مافيه ابداع تجيني بعدها ضيقه اعوذبالله والفتره الاخيره صرت أتحلم ان بيتي جالس ينحرق او ألاقي فيران وعقارب او تصير لي مشكله للأسف مدري انتو مثلي او ايش
قولولي ارائكم حلواتي عن هالبرنامج كيف أثر بحياتكم




موضوعي ملخبط معليش😅

28 تعليق 4,814 مشاهدة

شاركي في النقاش

سجلي الدخول لإضافة تعليق.

التعليقات

26
  1. على فكرة احبك ♥️♥️
    السناب وسوشل ميديا قتلت كل شيء جميل
    ارجعي للمواضيع قديمة هنا بالطبخ حلا وقهوة
    الحين الناس يجون لمك عشان تقديم
    للأسف كرهت اقاربي وصديقاتي يبون التباهي


    تدرين يارشفة اعرف ناس اثثو بيوتهم عشان تصوير ولايبون أحد يجيهم !
  2. @looly88_1

    فعلا كلامك صحيح تغيرت طباع الناس وصار اهم شي عندهم الفشخره في التقديم وليتهم ياكلون ياعزي بس عشان التصوير ومكايد الحريم
    وطيري يافلوس طيري
    مااقول غير اللهم انا نعوذبك من زوال نعمتك وتحول عافيتك وفجاءة نقمتك وجميع سخطك
  3. صاحبة الموضوع
    أنثى إقتصادية
    على فكرة احبك ♥️♥️ السناب وسوشل ميديا قتلت كل شيء جميل ارجعي للمواضيع قديمة هنا بالطبخ حلا وقهوة الحين الناس يجون لمك عشان تقديم للأسف كرهت اقاربي وصديقاتي يبون التباهي تدرين يارشفة اعرف ناس اثثو بيوتهم عشان تصوير ولايبون أحد يجيهم !
    الله يسعدك يارب ❤️❤️فعلا صار كله على السناب وبس ناس تعرف اخبار بعض عليه وما تدري مين اللي يفرحلك او اللي يكرهك

تابعي تجارب أخرى من هذا القسم.