🌿💛التجمع الثامن لمواليد (مايو & يونيو)💛🌿2019

أيوه اللبان ممتاز
انا قبل الحمل جاتني زي الحشره في الحلق
وكلا كحه بس في الحلق مو من الصدر احس روحي بتطلع
لدرجه تدمع عيوني وحتى البول وانتم بكرامه يمكن ينقط 😣 من قوة الكحه وقالو احتمال معاك ارتجااع وجربت الادويه ولافاااد ابد
بس جربت اللبان ارتحت الحمد لله
انا كنت احط مويه دافيه على قليل من اللبان وابقى احركها بالملعقه لين يتغير لون الماي واشربها دافيه

ايوا انا كنت اسويه بمويه دافيه زي المرة بس قريت طريقة جابر القحطاني بمويه باردة وسويتها

المهم بنات بعلق على اللي الموضوع الفاصل بين العيال
تكلمتو وانا نايمه 😅 وخذتني البشاره ولا عرفت ارد
انا اشوف العمر له دور والظروف لها دور والمستقبل ماحد يعرف شو مخبي
يعني انا جبت ٣ اطفال حمل طبيعي ولا احتجت حتى مثبت وكنت اداوم وصعده درج ونزله
وبعدين من الله ٤ اجهاضات شو السبب مااعرف خفت من الحمل واذا حللت وشفت الخطين قلبي مااعرف افرح والا
خايفه بعد فتره ينزل مثل اللي قبل
وكان الاطفال رغبه كل مافقدت طفل زاد شوقي للاطفال ازيد مع ان قبل كنت احس عادي ولا شايله هم
لدرجة احاول ابرمج عقلي احتماال مااقدر اجيب
الثلاثه خير ونعمه
اشوف الحيره في وجه زوجي
اشوف عيالي كيف اذا جا طفل جديد بالعيله شلون ودهم يكون عندهم بيبي
اشوف دعوات امي وجدتي تلاحقني
ممااقدر اووصف لكم الحاله اللي كنت فيهاا
ولما ربي اكرمني بالحمل التام وكل مادخلت شهر جديد كأنه انجاز جديد لدرجة لما ولدت زوجي يقول خلاص نجحتي كانت كأنها شهاده لي
طبعاً الان بنتي صغيره وفكرت احمل قلت مادري شو راح يكون بعدين
دام الان اقدر اتحمل بكره لا
ومااخفيكم فعلاً اذا حملتي وهو صغير تهملينه وتهملين البيت بس الجاي يستاهل التعب خصوصاً اذا انتي بخاطرك الاطفال
وطبعا ماراح تقدر الوحده تجيب اربع ورى بعض
ثنين حلوين وترتاح سنتين ثلاث وترجع تحمل


اما اللي مابخاطرها الاطفال وتحب تجلس خمس سنوات اكيد كل حمل بيكون كأنه بكرها من الشوق والدلع
وطبعاً كل وحده ادرى بحملها

اهم شيء انها نفعتك
الحمد لله

وبالنسبه للموانع انا مع الموانع الطبيعيه
لأني خواافه
اخاف تخربط لي الهرمونات او النفسيه
مره مره فكرت اشتري حبوب استخدمها شهر للتغيير
لمن قريت الروشته رميتهاا
مااتخيليت شو الامراض اللي احتمال تسويها ولا الاعراض