(تجمع(١) لحوامل مواليد)🌿 يوليو /🌿 وأغسطس🐣2019

وعليكم السلام والرحمه ، الحمدلله تمام انتي كيفك ياعسل ؟!
الف الف مبروك سماع النبض عقبال الثاني يارب ❤️❤️

صباح الخير حبيباتي ❤️
.
منورين الجدد ربي يتمم علينا الجاي ع خير ، انا تعبت من الوحم ومن شغل البيت وجيت بنزل جده لأهلي ارتاح سألت دكتورتي عادي انزل طيارة قالت لا وسألت دكتورة ثانيه قالت عادي اذا الوقت مو طويل قلتلها ساعتين قالت عادي ، بس زوجي خوفني وقررنا ننتظر لموعدي الجاي بعد ثلاث اسابيع😪😪

تبين الحل استخيري ووفي وين ربي يدلس فيه اذا فيه خطر راح يصير سبب يمنعس من السفر .

انا بسافر الاسبوع الجاي قدني بالاسبوع التاسع قالت الدكتورة عادي بس برضوا بستخير وبشوف وين الخيرة

حاسه بضيقه وكل من يتقدم حملي شهيتي تنسد عن الاكل . بعد بكره بدخل الثالث ولا راح ادخل الرابع الا بداية شهر ٥
عشان كذا احاتي شهر ٤ مره صابني اكتئاب من الوحم كلا ابكي عند زوجي مااتحمل شي ولاني متحمله بنتي بتاتا . لانها يبيلها قلب وانا مالي خلقها ولا احب صياحها يصدع راسي .
ولا اكل اجلس طول يومي على برتقاله عادي لا فرقت معي . كل الوجبات شطبت عليهم ولا اشتهي حتى اطبخ .
مره متضايقه تحاتي شهري الثالث كيف بيكون اكيد بيصير اصعب من الثاني .
اتمنى بس يخلص بسرعه اه ياقلبي حتى الحبوب مانفعتني الا شي بسيط ومرات ماكأني اكلتها .

يا قلبي يا ملاك ... الله يهون عليك حبيبتي...
ما يصير تقعدي بلا أكل طول اليوم لصحتك و صحة جنينك.. إذا مو ماقبلة أكل البيت خلي يجيبلك جاهز... و بنتك يا روحي عليها زي بناتي و الله غصب اقوم اغيرلهم و ااكلهم و هنا يبوني العب معاهم امس والله شوي و ضربتهم من ضيقة الخلق. . غير استعذت من الشيطان و خليتهم بغرفتهم..