الطلاق ياكثرهاا

بصراحه انا اشوف اهم سبب للطلاق دخول الحياة الزوجيه بدون معرفه وبدون استعداد تام
تلقين الزوجه وكذالك الزوج قبل الزواج باشهر يجهزون للزواج من كل شي بس للحياه الزوجيه وللمشاكل اللي تصير بعد الزواج ماجهز شي
يعني مفهومهم عن الزواج بيت واثاث وتحف ولبس جديد وسفر ومكياج ...
لكن ينسون ان الحياه الزوجيه اكبر من كل هالاشياء
الزواج رابطه وشراكه عمر وفيه عقباة كثيره لو الواحد فاهم وقاري عن طريقه اول راح يتجاوز هالعقباة وياصل للامان ان شاءالله
بس الجاهل اللي مايفهم بالحياة ولا قرأ عنها راح يتفاجأ بهالعقبات وممكن اذا تجاوز وحده يطيح بالثانيه ويفشل

ساعات الطلاق رحمه من الله ياتخدع بالزواج أو ماتعرفه أو تكبر بالعمر تخاف يفوته الزواج توافق بأي احد .......والبيوت أسرار ... لاتوسوس ولا شي الي
يده بالماء مو مثل النار ..الحمد لله عندنا قليل كله من حسن الاختيار ....

فعلاً زادت نسبة الطلاق بشكل كبييير..
كثير حالات يكون السبب ان الزوج او الزوجة غير مؤهلين لتحمل المسؤولية وفتح بيت والقيام بحقوق الطرف الآخر..


بعض الشباب يكون تعود ع الطلعات مع ربعه يومياً ومايترك هالطبع بعد الزواج ولا يتحمل مسؤولية زوجته وعياله..
وبعض البنات تجيك ماتعرف تطبخ ورفلا ماتبي الا طلعات ومولات ووناسة..


والاسباب غالباً ترجع لسوء التربية وعدم التوجيه الكافي من الوالدين..

معها البيوت أسرار

مساء الخير🌷
كيفكم ياجميلات ..
من زمان ودي ادخل اقولكم هالنصيحة الايجابيه بين كميات السلبيه والمشاكل الموجوده يمكن تشوفين بنت عزباء وتتفائل 🤭..


حبيباتي الزواج شي جميل لكن بشرط يكون فيه صبر وطولة بال ..
مافي شخص كامل الزوجة فيها عيوب
والزواج فيه عيوب لكن اذا توفر
(الإحـــتــــرام ، وكان البيت عامر بالطاعة )


بإذن الله بيتك جنة حتى لو صار مشكلات بسيطه راح تنحل والأهم المصارحة بأسلوب راقي حتى مايكون فيه تراكمات ثمن تنفجرون في بعض..


اذا كانت المرأة ذات أخلاق وأدب وألفاظها كلها أنوثه فهي تفرض احترمها على رجلها ..


اشوف بعض الزوجات الفاظها تستفز الرجل فيثور عليها وحتى لو هذي الألفاظ قلتيها لبنت بتستفزها فما بالك بالرجل ..
لذا نصيحة اصلحي نفسك وربك هو بيتولى الزوج ويسخره لك ..


تذكري لو جمالك جمال يوسف والاخلاق 👎 فهنا أقولك مشاكلك مارح تنتهي ..


ودائما عليكم بالدعاء بالدعاء بالدعاء ..
والله يابنات ماتتخيلون كيف ربي يكون معاك ويحقق ماتتمنينه .. ويسخر لك زوجك ..
اطلبي من ربي كل كل شي تتمنينه في زوجك او ماتبينه فيه وهو قريب مجيب الدعاء ..
محد نافعك غير ربي والله هو اللي ينزل البلاء وهو يرفعه..


واذا ابتلاك الله بزوج سيء فهذا ابتلاء تذكري ان صبرك مارح يضيع والله يجازي اعظم الجزاء ع صبرك ..
واذا مااخذتي حقك في الدنيا بتاخذينه في الاخرة لذلك اصبري وربي معاك استشعري قربه منك وتفائلي ..
وبس ..
الزواج نعمه اذا احسنتوا التصرف ☺️🌸.