مصروفك

ماشاءالله وش تشتروون
خاصه الاشياءالناشفه والمفرزنه

الاكل مصروفه مع زوجي وانا لي مصروف مستقل مو لاغراض البيت للضروره واجمع منه الحمدالله نعمه من ربي احنا احسن من ناس كثير

استغفر الله

بالعكس إدارة المنزل والمصروفات شطارة .. مو بخل ولا شي .. خصوصا لو ماكنتوا بخلالين على انفسكم واولادكم بـ شي
وبحالتكم ضروري جدآ التوفير والاقتصاد .. لين ربي يفرجها على زوجك ويرزقه ربي الوظيفه المناسبه ..
أول شي : " ما نقص مال من صدقه " تصدقي كل بدايه شهر بمبلغ لو رمزي ريالين أو ثلاثه وراح يبارك لكم ربي برزق من حيث لا تحتسبون
ثانيا : المصروفات و المطاعم ..
قسمي احتياجاتك بالمطبخ أولا الاساسيات : الرز القهوه الشاهي السكر الزيت . هذي مو كل شهر تحتاجينها
حاولي تشترينها من أماكن بيع الجمله والتجزئه تكون أرخص .
ثانويه مثل المعلبات والاجبان .. حطي لها ميزانيه مثل 300 ريال .. وتابعي عروض التوفير في المحلات واستغليها بعضها تاريخ انتهائها بعد أشهر فخوذي لك كميه ..
الخضار خوذي على قد أحتياجك خلال الاسبوع لا تكثرين عشان لا يخرب في الثلاجه
المطاعم فيه مطاعم تعمل عروض على التوصيل او على وجبات معينه او عروض عائليه فـحاولي تستغلينها في صالحك وتاخذين منها و توفرين ..
التخطيط للطبخ و المطبخ راح يفيدك كثيـــــر ويوفر عليك الأكل من الخراب .
على سبيل المثال , حددي طبخاتك لهذا الاسبوع وعلى اساسها كملي مقاضيك مثل الخضار .. و عشان لاتخرب بالثلاجه
مثلا حددتي اليوم رز ومرق خضار .
بكرا يكون شوربه خضار مطحونه مع شعيريه و مكرونه .. الباقي من مرق الخضار اطحنيه ..
اطبخي على قد حاجتكم .. و ينتهي الاكل أحسن من أن يفيض .. وعلمي اولادك حفظ النعمه .. والباقي من أكلكم حطيه في صحون بلاستيكيه للعمال واحتسبي فيه الأجر .

الله يسر أمركم ويعينا وإياكم على الدنيا