قصر عنق الرحم

مساء الخير
الله يتمم على كل حامل حملها يارب 💓
ويرزق كل من يتمنى يارب فأنه على كل شي قدير 💓
بنات الله يسعدكم حبيت أسالكم أنا حامل الحمد لله بعد مشوار طويل وعمليات وعلاجات
حامل في الاسبوع ال٢٢ بداية السادس امس عملت قياس لعنق الرحم طلع ٢،٩ قالت لي الدكتوره احتمال يصير معي ولاده مبكره ولا يمدي اربط في هل الشهر رغم انه في الشهر الثالث كان ٥ واعطتني مثبتات سألت دكتور ثاني قال تمام بس لازم اتابع طول عنق الرحم كل اسبوع
للي مرت بنفس تجربتي كم كان طول عنق الرحم عندها؟
وهل دخلت التاسع مع الراحه والمثبتات ولا ولدت ولاده مبكره ؟!

17 تعليق 34,703 مشاهدة

شاركي في النقاش

سجلي الدخول لإضافة تعليق.

التعليقات

17
  1. @zyt_am_aymn

    وعليكم السلام ورحمه الله وبركاته
    اولا انت تقولين بالاسبوع٢٢ و٢٢يعتبر الشهر الخامس انا حقيقه الخساب بالاسابيع يخربطني كلن يعطي معلومه من راسه لكن اذا تبين طريقه صحيحه واكيده هي انك تحددين اليوم الاول لنزول الدورة والشهر ثم تضيفين على اول يوم ٧وتنقصين من الشهر ٣ وبكذا يطلع لك اليوم والشهر الي بتولدين فيه فهمتي
    فعلا اذا كان عنق الرحم قصير مع كبر حجم الجنين يضغط على الرحم ويقصر زياده وغالبا تحدث ولاده مبكره انت لسه محتاجه للراحه عشان حملك يرتفع انصحك ماتتحركين وتلزمين الراحه تماما عالاقل توصلين السابع انا جتني ولاده بالاسبوع٢٨وكنت باخر السادس وكان عنق الرقم قصير عندي من الشهر الثالث كان٣وشوي وغير كذا المشيمة كانت متقدمه معي ومغطيه عنك الرحم بس للامانه ماكنت ارتاح ولااجلس جهلا مني انصحك تريحي تمام ولاتعبي نفسك عشان مايضغط عالرحم وتكملين باذن الله استودعي نفسك وجنينك الله وربي قادر سبحانه يتمم لك كل خير
  2. @zyt_am_aymn

    اطلبي ابر تثبيت وانصحك من الان تروحين لمستشفى متمكن وعندهم حضانه خدج عنايه خدج عشان لاقدر الله لوجتك ولاده مبكره قدرو يتصرفون ويساعدون الجنين مانصحك تروحين لمدينه الملك فهد
    اذا عندك تامين روحي دله
    والله يحفضك يااختي ويتمم عليك يارب
  3. ماشاء الله


    تخيلي انا كان طول العنق من الرابع 1 ونص أو 2
    وكانو دكتورات كثير قالو ليه ماربطتي
    والله يسامحها دكتورتي في سمير عباس قالت مايحتاج بس ارتاحي.. والله ولدت بدايه السادس فجأه


    وافهمها انه ممكن العنق خلاص انفتح قالت لا التهاب بول!


    مع اني زمان قال لي دكتور انتي العنق قصير مهما صار حمل لازم ربط


    والحين رجعت للدكتوره وقلت هالمره ابغا اربط قالت الربط يسبب التهابات قلت كيف ارتاح نفسيا والله تعبت وصدمه كانت 💔


    حتى زوجي الله يصلحه يقول اسمعي كلامها مايحتاج
    قلت انت مو مجرب ولاعانيت مثلي


    بس انا بستخير بإذن الله حتى اهلي يقولون اربطي
  4. @nody7

    الله يتمم لك على خير خلاص مدام قالت ماينفع ربط الان لازم تلتزمي الراحه !! لاتخرجي ولا تمشي نصيحه حتى لو شفتي نفسك طيبه ونشيطه الولاده المبكره تجي فجاءءه عن تجربه!! والمثبتات حافظي عليها لو مااعطتك راجعي غيرها انتبهي لنفسك !! الان الربط ضروري للي حملهم بعلاج حتى لو العنق ٥ يقصر ويضعف بالسادس والسابع ولازم مستشفى حكومي عندهم رعايه للخدج الله لايقدر يجيك شي يكون سويتي اللي عليك الله يفرح قلبك بسلامتك انتي والبيبي استودعتك الله اللذي لاتضيع ودائعه 🌸
  5. @tahani999

    ليش ماينفع الحين الربط الي اعرفه حتى 24 اسبوع خاصه اذا فيه مساحة يشتغلو فيها
    عندك حلين اما تروحي طبيبه ثانيه تستشيريها
    او تلتزمي الراحه التامه حتي نهاية السابع علي الاقل مع اخذ التحاميل والابر المثبته ومراقبة العنق كل اسبوع

تابعي تجارب أخرى من هذا القسم.