ابنتي لاتستطيع الدفاع عن نفسها

Up

حبيبتي من كلامك فهمت ان بنات عم بنتك متنمرين عليها اقري عن التنمر وعن المتنمر والمتنمر عليه وكيف العلاج
انتي للاسف احد الاسباب ان بنتك ضعيفة شخصيه قدام البنات ليش لانك تدافعين عنها ابدا ابدا ابدا لاتدافعين عنها الا اذا شفتي وصلت لدرجه الاذى الجسدي القوي
عززي ثقتها في نفسها وحببيها في اخوها شوفي اخوك يفرح اذا شافك اخوك يحبك تلعبين بالعابه
لاتلبين طلباتها كلها اطلاااااااااقا وعلميها سسبب الرفض مثلا تبي بقاله كل يوم كل يوم لاياماما بابا مشغول
تبي بنات عمها على طول ياماما انا اخاف لوحدي اجلسي معاي
ياماما اخوك يطفش لوحده لعبيه العبي معه والعبيهم سوا بالعابهم واسحبي نفسك شوي شوي من اللعب لين يستانسون سوا باللعب
تبي لعبه ومحل العاب ياماما مامعانا فلوس تكفي نشتري لعبه حتى لو عندك علميها قيمة المال
خليها تشاركك في اشغال البيت عطيها فوطه ومنظف الزوجاج تمسح الطاولات او تلم سلات الزبايل اللي عند الغسالات وتبدل اكياسها عطيها تكنس شوي الصاله او مكان جلوسكم
خليها تسوي معك كيكه او حلى اي اكل بسيطه معك
عطيها دفاتر تلوين تلون وترسم
جبي لها صلصال تشكل اشياء
جبي قصص مصوره واقريها لها وتصفحوا القصص سوا علقيها وحببيها في البيت واخوها وابعديها عن الجوال شوي شوي خصصي لها وقت معين عليه وفقط في البيت عند الناس جوال مافيه حتى لو مع بنات الناس وهي لا اهم شي صحتها وعافيتها وبيني لها خطورت اللي يجلس على الجوال كثير ويش يصير له
بتتعبين في البدايه وبعدها بترتاحين ربيها على القناعه والمشاركه ومو ارضاء الناس على حساب نفسي
دخليها روضه خليها تختلط في مجتمع بنات غير بنات عمها وفي سنها وينتظم نومها وقومتها وتقوى شخصيتها اكثر
اذا تخاف بنات عمها يزاعلونها اذا رفضت لهم طلب فهميها عادي زعلهم بيزعلوا شوي ويرضوا من نفسهم مو لازم كل الناس نرضيهم
فيه كتب اكترونيه كثييييير حمليها عن تعزيز الثقة الطفل في نفسه
وشوفي حساب سعيد الزويد بالاستقرام
شوفي مقاطع الدكتور جاسم المطوع والدكتور مصطفى ابو اسعد في اليوتيوب مره بتفيدك

لازم بعد ابوها يساعدك تعاونوا سوا لاافراط ولاتفريط لاتدلعونها مره ولاتشدون عليها خلوكم حازمين التربيه صعبه في هذا الزمن الله يعينا ويقوينا يارب

يأختي أنت تقدري تقوي شخصية بنتك علميها إن مو اي احد ياخذ أغراضك ولحد يضربك علميها ماراح تستجاب بسرعه ..كمان فكري هي ليه تتصرف كذا ادرسي حالتها يمكن تعرفي السبب..كمان في دكتور أسمه جاسم المطوع ابحثي عن مقاطعه في اليوتيوب في مواضيع يتكلم عن تربيةالأطفال والتنمر والغيرة بين الأطفال كلامه كويس وبتستفيدي منه بأذن الله..وعلميها كيف ترد على الأطفال اللي يبون يكسرون شخصيتها نصيحة خليها قويه

بالضبط تخاف من ردت فعل الكبار لان هي قالت لي انهم يفلصون فيها لانها اخذت لعبه لهم الكبار كذا شلون الصغار
صارت مع زميلتها حتى كراستها بالمدرسه تقولي ياخذنها ويشخبطن عليها ولا تقدر تاخذ اغراضها كلمت الابله وقلت لها قالت ابشري بساعدها وانتهاء الترم ..وعيال عمها اللي بسنها واكبر وكبرها هم بعد يتنمرون عليها وانا اقوى والعيال دفشين لاتقولون ماحاولت حاولت باشياء كثيره بس ممكن مرات اتصرف غلط وانا افهمها حاولت اشجعها وحاولت اشغلها حاولت اعوضها بالنقص ان ماعندها خوات ب الجوال والالعاب ..الخ اكتشفت انها بس علينا قوت شخصيتها ..ماتوقعت التربيه صعبه كذا😭