👶🏻التجمع💖💙*((الواحد31والثلاثون ))🤰👼لاحلى مواليد(مارس*ابريل)2019

حرمة المصون ياعيوني
القصة اللي تحسينها من بدايتها بتخوفك كنسليها لاتقرينها أنا كذا أقرأ بس القصص المريحة وأتجاهل اللي ممكن تخوفني
الله يحفظك ويحفظ الجميع من التوتر والقلق ووسواس إبليس

ألف سلامة عليك فوفو 🌹❤️
والحمدلله ربي يجعل ختام اختبارات زوجك مسك وترتاحون
وإجازة سعيدة عليكم وعلى الجميع يارب❤️🌹

انا لا فتحته اقرب علبة المنديل وابكي دموع يحزني بعض القصص تحزن مره مره يارب تمم لنا ولا تفجعنا ياكريم مااقدر امسك نفسي 😂
وفعلًا قررت ماافتحه ولا اقرا خلاص الله يعوض كل من فقدت جنينها 🌸

الحمدلله
امين يارب تمم على خير لنا 😔

ليه يا نودي كذا تتعبين بعمرك
حتى لو ماعندك أحد من أهلك بالمدينة يقهوي الضيوف
خلاص جهزي كل شي على الطاولات الحلا والمعجنات وثلاجات القهوة والشاي والفناجين قبل يدخلون الضيوف
ولا دخلو خليك مرتاحة وهم يقهوون عمارهم قوليلهم انتم أهل بيت تفضلوا بالله لو مو تعبانة كان قمت وقهويتكم وأكيد وحدة فيهم بتستحي وبتقوم تصب القهوة عادي
حنا كذا والله مايخلوني أصلا أقوم حتى اذا كانوا أهلي مو عندي يقومون ويصبون لنفسهم ويقهوون عمارهم
معروف النفاس محد بيلومها

أنا حتى أحيان بالزيارات العادية أصب لهم أول فناجلين وأحط عند كل طاولة وحدة فيهم ثلاجة قهوة هي تصب لنفسها

عادي الدنيا سهالات