بنات ابي الصراحه والصدق ماابي اي كلام
ابي اسالكم عن العمليات سواء مراره زايده تكيس اي شي المهم عمليه منظار أو جراحه
الستر يابنات خايفه من ذا الموضوع اخاف يكون فيه تكشف زايد تكفون وش اسوي عشان لو قدر الله وسويت الشهر ذا لان الدكتور قال احتمال فيني شي ابي استر نفسي انا قريت مواضيع قديمه شيبت راسي أن فيه تعري وفضايح تكفون ابي الحقيقه ابي نصيحه هل اكذب عليهم واقول الجورة عندي عشان يسمحون لي البس فوط أو اقول ابي تخدير جزئي عشان اراقب واشوف أو وش اسوي الله يسعدكم فرجو همي والله أفضل الموت على اني انكشف عند ناس اجانب مره شايله هم أكثر من الألم والعمليه نفسها خايفه أكثر شي من الستر 😔
شاركي في النقاش
سجلي الدخول لإضافة تعليق.
التعليقات
76- ماعندي معلومه الله يفرج همك
- العمليه تدخلين لها كما خلقك ربي .. ولا قطعة ملابس .. بس يعطونك شي تغطي فيه مثل الشرشف الرقيق
ولضروره احكام ... والله يقومك بالسلامه - الله يشفيك حبيبتي ويسترك دنيا واخره الله يعلم بنيتك انك تبين الستر بس ياختي معهم ممرضات لاتخافين هم مارح يتفرجوا على كلى جسمك بس على المنطقة الي فيها العمليه مثلا البطن بس يكشفوا منطقة البطن مو كلها جزاء بسيط منها الي بيشتغلوا فيه امي سوت عمليه مرارة بس كشفوا البطن من تحت الصدر الى تحت السرة مباشرة وفيهم الي يسوي قيصرية بس يكشفون البطن الا اذا عمليتك في المنطقة الحساسة هنا اكيد بيكشفونها وانتي على كلامك انها في بطنك يعني مب حول شي تقومين بسلامة
- ماشاء الله تبارك الله ..الله يزيدك حياء وستر
واسأل الله الكريم رب العرش العظيم ان يشفيك شفاء عاجلا
بالنسبة للسؤال اغلب الكلام الي تسمعيه مبالغ فيه
العادة اذا كانت المريضة امراة يدخلون الممرضات قبل الدكاترة ويجهزونها ويسترونها وما يبينون منها الا الجزء الي تكون فيه العملية
ويبقون متواجدين طول العملية لو احتاجت شيء
فتوكلي على الله وربي يشفيك ويعافيك عبير الجهني1 العمليه تدخلين لها كما خلقك ربي .. ولا قطعة ملابس .. بس يعطونك شي تغطي فيه مثل الشرشف الرقيق ولضروره احكام ... والله يقومك بالسلامه
اللباس الي يغطونها فيه ساتر
مواضيع مشابهة
تابعي تجارب أخرى من هذا القسم.