موقف صارلك طيح قلبك وربك لطف اذكريه لنا

ي عمري اسأل الله العظيم رب العرش العظيم ان يشفيك يارب
الحمد لله وماشاء الله اخوي تعافى منها بفضل الله كان يجيب مويا زمزم ويقرا في الرقية وكان يبعد عن الدهون والزيوت والاشياء الحامضة والحمد لله ربي شفاة

تقول اختي انكسر قزاز في بيتها
ونظفته مافيه ولا قطعه
ولدها يحبي مدري كيف حاس حاس ولقا قطعه
صغيره ودخلها في فمه وجلس يعلك ويعلك
وتجرح لسانه ولثته ولا حس بالم
جات وشافته يحرك فمه والدم يطلع منه
وتدخل اصبعها وتطلع القزازه وجلس يصيح يبيها 😁
ودته المستشفى اشاعات خافو يكون بلع قطعه
وطلبو منها تراقب حفاظته ٢٤ ساعه يمكن تطلع مع الفضلات
والحمدلله ربي سلمه وعدت

هههههههههههههه اما يبيها جازتله 🤣🤣 اجل قريبتي بنتها دخلت بفمها موس اللي كل جهه حاد وطلعته امها بالموت لانها مسكره فمها تقول مافكته لين وريتها حلاوه بيدي وتجرح فمها الله يصلحهم

مرره كنا بمنطقة جبلية نتمشى وكان توه جاي امطار قويه والشارع يصب مويه بكل مكان طلعنا نبي نغير الفندق ذبحنا البرد وزوجي كان معه بنتي عمرها٣سنوات وانشغل يكلم عامل الفندق
المهم ان الفندق هذا فوووووق بالجبال نطلع عليه اربع لفات حلقات يعني لفه فوق لفه وبعدين نوصل للفندق ومافيه سياج حمايه بس رصيف عادي زي حق الشوارع الي مخطط البلك الصغار عرفتووه وانا طلعت واشوف سيارتنا مصكره وزوجي واقف مع العامل والتفت ادور بنتي لقيتها واقفه فووق الرصيف وحاطه يدينها ورا ظهرها زي الي مكلبش ومنحنيه على قدام تطالع تحت السيارات والهوا يهف فستانها بقوة
يااااالله بغيت اموت مكاني الحق ولا مالحق واحاول انها ماتلتفت علي ولاتحس اني اقرب منها لو تتحرك سانتي واحد بتطيييييح ومر الوقت الي امشي فيه مثل سنه ووصلت لها واضمها بقووووووة واصرخ صرخه عمري ماصرختها وانا جالسة على الارض والموية تحتي ويجي زوجي بكل برود يقول اش فيك تصرخين كنك مقروصه يلا مشينا والله العظيم وصلت لفندق ثاني يبعد اكثرمن٨٠٠كيلو وبنتي في حضني مافكيتها ضامتها بقوووة ولا تكلمت مع زوجي بس ابكي واقول لازم نطلع من هذي المنطقه واحنا طلعنا بس نغير مكان الفندق ماكان لنا نيه نطلع ونرجع منطقتنا مع ان منطقتنا بعيده مره بس ماجاء اليوم الثاني الا انا في بيتي وكرهت الجبال والتمشية والطلعات الي فيها اطفال صغار

رفع