موقف صارلك طيح قلبك وربك لطف اذكريه لنا

.....






أعوذ بكلمات الله التامة من كل شيطان وهامة ومن كل عين لامة أعوذ بكلمات الله التامات التي لا يجاوزهن بر ولا فاجر من شر ما خلق وذرأ وبرأ، ومن شر ما ينزل من السماء ومن شر ما يعرج فيها، ومن شر ما ذرأ في الأرض ومن شر ما يخرج منها، ومن شر طوارق الليل والنهار ومن شر كل طارق إلا طارقا يطرق بخير يا رحمان هذه من التعوذات التي يقي الله بها العبد الشر)

ماشاءالله تبارك الله يخليهم لك يارب وتشوفينهم زي ماتتمنين 💕 والله كل شي نذكره اقول لامي اشيا وانا صغيره وتطير عيونها علي تقول احسبك كنتي بزر ماتعرفين ولاتتذكرين سبحان الله ذكرت لامي موقف وانا صغيره مرررره واحسبه حلم انا قالت امي لا هالشي صدق حصل بس انتي وقتها مررره صغيره الطفل ماينسى .. ولد جيراننا طاح عليه التلفزيون على بطنه وعقبها بس يقول بطني لامه قالت يمكن من الطيحه وبدا يصيح الولد من شدة الالم تقول وديناه للمستشفى قالو عمليه الحين بسرعه الولد بيتوفى ان مالحقنا عليه تقول طلع نزيف داخلي والحمدلله ربي ستر وطلع بالسلامه

تكفون فكونا من سوالف اهل الارض،وربي الموضوع كان يهبل كل شوي ادخله الى ماخربتوه بسوالف الجن والخرابيط

ولدي البكر الله يحفظه مغامراته كثيره .. الاولى لما جبت أخوه الثاني ولدي دخل يلعب بالصاله وزوجي فتح شباك الصاله وانا ماكنت ادري دخلت المطبخ أخذتلي كوب شاي وبروح غرفتي عند البيبي وفيه شي يقولي روحي الصاله وصلت لنص السيب وقلبي يقولي روحي الصاله ورجعت ودخلت الصاله الا الاقي ولدي طالع عالكنبه ومطلع جسمه من الشباك ورافع وحده من رجلينه وبيرفع الثانيه رميت كوب الشاي من يدي وركضت مسكت رجله وسحبته وضميته وبكيت لين شبعت يديني صارت تنتفض وانا اردد يارب لك الحمد خليتني الحق عليه .. جاني زوجي يركض وش صار واقوله وشحب وجهه يقولي والله انا فتحته بس نسيت أقفله .. ومره ولدي نفسه طعنا نتمشى ومكان فيه مرتفعات ابوه ناداه وهو هرب منه لحافة المرتفع ويركض أبوه ويمسك يده ويسحبه قبل يطيح ابوه طاح لانه تعدى حافة المرتفع بس كان ماسك ولدي بحضنه الحمد لله حفظهم .. ونفس الشي طلع من بيت أعمامه وقاله ابوه انتظر أشيل أخوك وركض ولدي للشارع لحقه ابوه ومسكه الا وتعدي سياره مسرعه يعني لو مامسكه كان صدمت الولد والله اني بكل فتره استرجع هالمواقف واحمد ربي انه حفظهم لي .

ولدي لما كان عمره شهرين
كنت احطه ع الكنب واشتغل ومرتين جيت لقيته طايح ع وجهه ومكتوم ووجهه ازرق
وربي يستر عليه
ومره نزلته وباخذ شغله ضروريه باطلع
والا اسمع ذيك الطيحه وصياحه يمه قطع قلبي
والحمدلله يارب ماصار فيه شي
المشكله الارض سراميك