التجمع الثاني لأمهات يوليو واغسطس2018💖💙

طمنينا عليه كيفه الان

السلام عليكم ورحمة الله وبركاته
كيفكم بنات وكيف عيالكم
يا رب تكونو كلكم بخير
أبشركم الحمد لله ولدي طيب خلص فترة علاجه
بس أنا صابني إرهاق بسبب السهر والتعب معه


يا رب يحفظكم ويحفظ عيالكم وأحبابكم ويشفي المريض منهم شفاء لا يغادر سقما

عفاف
سلامة ولدك الله يشفيه لك ويطمن قلبك عليه
حبيبتي لا تخافين
التهاب الصدر جا لبنتي قبل ونومتها
بس كان عندها شديد
الأكسجين استمر ناقص لعدة أيام
رغم أنهم كانوا يحطون لها ساعة أكسجين وساعة فنتولين
ومغذي ومضاد في الوريد
استمرت على ذا الوضع أربعة أيام في اليوم الخامس بدأ شوي يرتفع عندها الأكسجين


الحمد لله حالة ولدك أخف كثير الله يتمم له شفاءه وعافيته
وزين أنهم نوموه عشان يعالجونه
اصبري عليه لين يطيب ويختفي الالتهاب تماما من صدره
لو بقي أثر من الالتهاب مع الوقت يتحول لربو بعيد الشر عنه يا رب
أنا أكلمك من واقع تجربتي
عندي عيالي اثنين صار عندهم ربو بسبب إهمال العلاج
أبوهم كان جدا متهاون وما عنده إلا أعطيهم عسل وأعطيهم مدري ايش
لين من كثر ما تلتهب صدورهم تحول عندهم لربو
وهذا هم كل شوي يهيج عليهم ويتعبون ويتعبوني معهم
الحمد لله على كل حال
والإسهال الله يعينك ويعين ولدك ويشفيه
أعطيه لو مسموح ينسون
ولو تقدرين تشيلين ولدك للحمام اغسليه بشامبو الأطفال ونشفيه بمناديل بطريقة تربيت يعني..مو مسح عشان لا يتسلخ الجلد زيادة
ثم ادهنيه بالكريم اللي عندك طبقة خفيفة لا تكثرين عشان يمدي البشرة تتنفس
لو كثرتي تنكتم البشرة والكتمة تزيد التسلخات
كرري الشي ذا مرتين أو ثلاث
ويا رب يعينك عليه ويكتب أجرك ويطمن قلبك ويقر عينك بسلامته وعافيته
وطمنينا عليه تكفين

سلامته مايشوف شر

وعليكم السلام.. الله يعينك ويساعدك، لابد البراز راح يتغير لانك دخلتي الاكل بس راقبي متى صار قاسي خلال الثلاث ايام تبع اي نوع خضار عشان تعرفين اي نوع سببله امساك،، جربي اعطيهم رضعه مويه ودبس التمر او منقوع التمر عشان الامساك،، بنتي للان مابديت ااكلها مع ان عيونها عالاكل ومن تشوفنا ناكل تمص شفايفها وتحرك فمها لازلت مستمره عالرضاعه الطبيعيه بدون صناعي والماي اعطيها بغطا القاروره وتحبه الحمدلله،، التطورات بدت تسولف نفسها وتقول امااا وتضحك لما امد يدي عشان اشيلها، التقلب من عمرها ٣ اشهر بس للان ماتعرف تقلب ع ظهرها بس عالبطن،، وهي عالارض تدفع نفسها لورا وهي ع ظهرها