منتجاتي الغريبه .. 😖😖.. توهقت فيها

مثلك

لا ويجيكم بعد إعلانات زيوت الشعر ومدح مدح ويصورون المحادثات حقت الزباين ومدري ايش ويوم تسألين عن سعره تقولك ب ٤٥٠ ليه ان شاء الله تقضين للعيد من وراي ؟؟؟ والله اني اشتري نارجيل ب ٩ ريال ولا دابر املا ب ١٥ ويازينهم يهبلون يخلون الشعر يجنن ..
واللي يرفع ضغطي اكثر من الاعلانات اللي تجيك تطلب اكل من طباخه وبعدين ترسل لها مدح و شكرا و يعطيك العافيه والله يحرم ايدينك عن النار🙄
ليه هي طبخت لك ببلاش !!!! يا امي انتي عطيتيها فلوس عشان تطبخ لك هالشكر والمدح ليييه ؟؟ اووكي ماقلنا شي الشكر حلو بس مو عاد تحسسينها انك جايه من مجاعه واول مره تاكلين 🙄💔
انا اذا طلبت من وحده و رجعت ارسلت لي عسا عجبك الاكل اقولها انتقادي اذا الاكل فيه شي او اذا حلو ومافيه شي اقول شكرا بسسس هذا اللي اقوله اما ارسل لها معروض مدح و تشكرات لا والله انا عطيتها فلوس عشان تطبخ لي ما طبخت لي ببلاش

أكثر شيئين سوو لها إعلان فجر الدنيا وطلع خااااااايس
قولدن براون وإبراهيم القرشي 🤢🤢🤢🤢🤢
أخيس منهم مافي
أذكر أبراهيم القرشي كنا برمضان لما بدو بدعاياته والناس هجوم عليهم
وحد أعرفها شرت وايد وتوهقت
قامت توزع بلاش


ولا قولدن براون
بس سكر وزيت
الله يعز النعمة

والحمدلله ما انقرصت منهم أنا

رحت الكويت وعلى طوووووول لمطعم((( دار حمد )))))الناس شايلينه شيل بالمدح ..
الله يكرم النعمة وبس كل اكلاتهم سيئة وطلبت كبدة وجابوها قديمة وكأنها حصى للأسف .
..والحمسات نفس الحمسة لكل الأنواع وحمسة مطحونة الله يكرم النعمه وأي نوع يطلبه الزبون يحطون من هالحمسة الجاهزة لكل شي ..والرز بشع ينشب بالحلق
قمة السووووووء وبس
خدمة سيئة وبطيئة
خبزهم أغرب خبز مر علي هههههه ويقولون إيراني بعد ما يستحون ..
الله يسامح اللي مدحوه واللي يفهم في الأكل وربي ما يمدحه لاحد .
رحت بعدهم لمطاعم المباركية وربي فرق أكل المباركية طازج ويجنن .

اللهم لك الحمد لا اتابعهم ولا اعرفهم، أسمع البعض يطرونهم بالدوام لكن ماطرا ف بالي ولا مره اتابعهم، واسمحلولي فديتكم ما أقصد الإساءة بس رايي من قبل اعتبر الي يتابعون هالفئه ما عندهم سالفه كلش،
وبالنسبه للمشتريات امشي بالغالب أحب أجرب وأحيانا على تجارب حقيقة للأهل او الزميلات صابت وله خابت😚 وكذا ماشيه الأمور
والحمدلله رب العالمين