💙💖🤱🏻 تباشير الخير 11 لأجمل مواليد نوفمبر وديسمبر 2018🤱🏻💖💙

ماشاء الله تبارك الله اكشنك مريح ويحمس للولادة👍🏼
أحب المستشفيات اللي يدلعو في المسكنات مو يخلو تجربة الولادة رعب ماعاد تبغى تحمل الوحدة بعدها😰

يالله فرصة الآن صاحيه ومصحصحة بحكي لكم الأكشن حقي
طبعاً عارفين ان موعد التنويم حقي كان يوم الثلاثاء ٤/١١ الساعة ٨ صباحاً رحت لموعدي
قال الدكتور تعالي ٨ مساء ًا افضل ما فيه اسره
المهم رحت لهم ع الموعد جيت لا إله الا الله
ما شاء الله الغرف مليانه وغرفة استقبال التنويم مليانه دخلوني تنويم وبدؤوا التحاليل والتخطيط
وما نمت زين ذيك الليلة من صريخ الحريم شيء يوجع القلب ، طلع الصباح الساعه ٨.٣٠ اعطتني الدكتورة تحميله وقاست قالت مفتوح الرحم ٢ سم انبسطت قلت يالله الحمد لله بداية خير والتحميله لسى ما بدأ مفعولها
قالت بعد ست ساعات نشوف الاثر اذا يلزم نعطيك وحدة ثانيه ، مشيت اموري تمام
ما حسيت ذاك الالم بالطلق والطلق احسه بارد
تجي الدكتورة يسووا التخطيط ما فيه ذاك الطلق ع الساعه ٣ لقته ٤ سم وبعدها على الساعه ٦ عملت تحريض وفكت المويه ونزل الدم واعطوني ابرة مسكنه وبدا الطلق يتقارب وينتظم لكن ما احس بالم لاني اخذه معي عسل طبيعي ومحلول في مويه كل ثلاث ساعات اشرب منه
جت الساعة ٨ كشفت الدكتوره لقت الرحم ٤ سم لكن صرخة ع الممرضات تطلب غرفة العمليات وتشوفوا الوضع كيف انقلب كذا فجاءة ولا حاسة بشيء قالت لي مدام الحبل السري انفصل عن المشيمه خذي وضع السجود
سويت زي ما قالت شالوني ع العمليات وتعالوا شوفوا الربكة والعالم كيف بسرعه تجري
جردوني من ملابسي طهروا مكان العمليه
ركبوا الاجهزة فصلوا بالستارة انا لما شفت الوضع كذا قلت توكلت ع الله وافوض امري لله وتشهدت وقلت الحمد لله ان مت فأنا شهيده بإذن الله والله يا بنات سبحان الله نزل علي هدوء وسكينه عجيبه لحظتها
وهذا آخر حد علمي بنفسي لما اعطوني البنج خذي نفس خذي نفس
صحوني الساعه ١٠.٣٠ يالله بالله افتح عيوني
مو حاسه بحالي يقولي الدكتور ايش اسمك
ويتحمد لي بالسلامه ويبشرني جبتي ولد يوم الأربعاء مساءاً
قلت له ايش صار قال ولدناك قيصري بسبب انفصال الحبل عن المشيمه وخفنا عليك وعلى الطفل وعملنا العمليه وصار عندك تسمم حمل بارتفاع ضغط الدم ولخبطة الإنزيمات وتفاجأنا بوجود تجمع دموي خلف المشيمه سبب لك نزيف حاد ونقلنا لك خمس اكياس دم
لكن الحمد لله وضعك الآن مستقر وقال كويس ان دمك كان تمام ١٣.٢٠ لانه وصل الآن معك ٨
الطفل اعطوه تنفس صناعي ودخلوه العناية
وتوي يوم الجمعة بالليل الي قدرت ارضعه
اروح له ع نفس الحضانه
الحمد لله صحتي تمام لكن مكان العملية يآلم مره ، غير الغازات الي لاعبه فيني كل الي بالمستشفى ذاك اليوم خرجوا ما بقي الا انا
يمكن يخرجوني اليوم وبكره يخرجوا ولدي عنده تحليل مزرعة دم
وهذا الأكشن حقي ، طبعا التجمع الدموي لما حملت. قالت لي دكتورره في الخاص في كيس غريب هنا وشكله راح يكبر لما تابعت بالحكومي قالوا كيف كيس ويكبر وهي كم مره عملت تصوير علشان تحكم عليه انه يكبر
اقنعوني انه ما فيه شيء
سافرت لاهلي. بتبوك ورحت لمستوصف عكاظ كشفت الدكتوره بالتصوير قالت فيه كيس حجمه اربعه سم كنت وقتها لي خمس شهور
كنت رايحه اسوي تصوير رباعي للطفل وما بين معها قالت التصوير مو واضح الوجه لكن تعالي بكره اعمل لك واحد ثاني لما جيتها قلت اعملي لي تقرير عن الكيس الي امس بوديه الحكومي. وعملت التصوير
قالت والله لو مو انا الي عملت التصوير امس اقولك ما فيه شيء نهائي
لكن راح اكتب لك ع تقرير امس
اخذت التقرير واعطيته لفني الاشعه الي يعمل التصوير قال نشوف
عمل التصوير تفصيلي قال ما فيه شيء نهائي كل امورك طيبه. وجلس يسب في الخاص
يقول يخوفونكم وياخذوا فلوسكم
واتوقع الان بعد الي شفته ان السبب كان هو نفس الكيس ( التجمع الدموي ) وكان خلف المشيمه وسبب ضغط ع الحبل السري وفصله
والحمد لله ربي كتب لنا عمر جديد لي ولولدي
الحمد لله ع تمام النعمه وتجددها

ربي يجيبها بالسلامه 😍😍


شكلهم البنات يتغلو انا وانتي وفرح ومو راضين يطلعو 🤭

يارب ياكريم 💕🙏🏻

انا سويته هالاسبوع متى يسوونه ماادري 🤭