🎊💗التباشير الرابع لحوامل ( يناير & فبراير) 2019💗🎊

ربي يشفيه ويعافيه باذن الله بسيطة

السلام عليكم
الله يبارك فيكم ويسلمكم جمعيآ و العقبى لكم بالفرج والسلامه و يلا تعالو عيشو معي الأكشن
اخر يوم بالتاسع بدا معي الطلق الساعه١١ وصار منتظم كل عشر دقايق ع الساعه ٤صار كل ٨دقايق هالوقت تروشت ترويشه محترمه و دهنت جسمي بزيت زيتون وحبه بركه وانا اقرا الأذكار واستودعت الله نفسي وجنيني وخواتيم أعمالي دخلت المستشفى وكشفت ع الممرضه وقالت خمسه سانتي فرحت كثير المهم الا احس الممرضه متوتره وتروح وتجي وتكلم الدكتور ماكان موجود مدري كيف حكمت علي انا ما اعرف إنجليزي المهم فوق راسي تكلمه بالجوال تقوله تعااال بسرعه ولاده٨سانتي وانا اخاف واتوتر و ربع ساعه جا الدكتور كشف قال ٤سانتي وجلس يهزىء فالممرضه وانا ضايعه بينهم و قلت ابي دكتوره قالت مافي الا دكتور استسلمت وجلست احاول اهدي نفسي واقراء الأذكار والالم يزيد وَذَا الدكتور كل شوي يكشف بدون مبالغه يمكن ست مرات كشف بساعه واحده وأحس فيه شيء مو طبيعي بعدين جا دكتور ثاني وكشف علي و يسألني انتي تحسين بالم أقوله اَي يقول طلقك خفيف وانا احس بالالم كل شوي يزيد وجو يكشفون هالمره ثلاث دكاترة مو اثنين خفتتت وقتها ي رب رحمتك وقال بيكشف بس ما كان كشف عادي لا طووول وجلس يلف ويحوس و انا خلاص مت من الالم ولما انتهى ما مداني ارتاح الا قال ركبو لها قسطرة و حطو لها طلق صناعي وهذا اللي كنت خايفه منه الله يعظم الأجر ما اقدر اشرح وأوصف الم الطلق الصناعي و بعد نص ساعه فكو المويا وعاد من بعده مدري كم جلست و دخلوني غرفه الولاده و صرت ادف ع طول الدكتور يقول انتظري اذا جا الالم دفي بس انا مدري وش صارلي وقتها ادف في الم ولا مافيه و صار دكتور يضغط ع بطني من فوق والثاني سوا توسيع وطلعت بنتي زرقا لاني طولت بالدف وأخذوها ع طول و بعد ما طلعت المشيمه و جا دور الخياطه والحمدلله ما كنت مصدقه احسه حلم و لما خرجت عرفت انه الراس ما كان تحت ولفها الدكتور وقت الكشف طبعآ انا من دخلت التاسع ما سويت سونار
الحمدلله صح تعبت و تألمت لكن شوفة بنتي بحضني تسوى الدنيا
والحين معاناه مع الخياطه أخذت تحاميل فولتارين بس خفت استعملها و أجاهد نفسي بالرضاعة صراحه ما توقعتها تعور كذا🙅🏻‍♀️ بس ان شاء الله كم يوم وأتعود عليها 💐

أحلامي يقين مبروك ماجاك ربي يحفظه يتربى بعزك وعز ابوه وربي يجعله من الصالحين 🌺

بنات عادي اكل حبتين حبوب حديد؟؟
قبل دمي زين ولي شهر تركت الحبوب وصرت ادوخ واتعب بسرعه وراسي يعورني مدري كيف وقبل أسبوعين سويت تحليل طلع شوي نازل بس هالفترة الأعراض مررره زايده اتعب بسرعه وادوخ وابي اخذ حبين عادي وكيف الطريقه أكلها مع بعض أو متفرقه في اليوم

الحمدلله على سلامتك وسلامة بنتك 😭💕💕

الجنين عندي جالس بعد وقالي يمكن عمليه مدري ليه مستعجل الدكتور على العمليه
الله يكتب اجرنا ويسهل علينا