ابن زوجي

حبيبتي اولادك عندك تقدرين تهتمين لهم وعندهم ابوهم ، بس هو أمه تاركته بعد تبين ابوه مايهتم فيه فكري شوي ،خليه زي اولادك اتركي ابوه يهتم فيه حرام عليك ، ترى يمكن بكره هو اللي يوقف معك ،لاتفرقين بين الإخوان كل شي اللى الإخوان عشان بكره إذا كبروا يوقفون لبعض مايصيرون حاقدين ترى هذي الحركات ماراح تفيدهم إذا كبروا ،بعدين ترى الولد كبير يفهم حركاتك عشان كذا لا تجرحينه بكره يصير مكسور 💔

انتي مثل أمه واخس بعد.... ويلك من الله والله نزلت دموعي على الولد ... مو لازم تحبينه لكن لا تظلمينه ولا تحقرينه انتي ماتدرين عن دموعه اللي تنزل بسببك او القهر اللي تسببينه له ماتدرين دعوه منه تقلب حياتك ... المفروض تحتوينه دامك عارفه ان امه معقده .. لا تخلينه يجلس بالساعات في غرفته حرام راح تدمره الاجهزه والشحنات هذا غير ماتدرين عنه مع مين يتواصل بالضبط.. خافي الله فيه ولا تنسي وراك قبر و حساب ان شاءالله اذا هذي في بالك ع طول ماراح تتجرأي تظلمينه..

تدرين ليش صعب عليك تتقبلينه ؟
.
.
لأنك تحاولين تجاملينه عشان زوجك !
.
لكن جربي تتناسين انه ولد ضرتك ، وعامليه بالحسنى لله ، لله فقط ، وقتها راح تتقبلينه وراح تحسين بالراحة والرضى لأنك دورتي رضى الله فقط . وراح يكون لك ولعيالك سند ، خصوصا انك مدحتيه ومدحتي اخلاقه ، وين تلقين الآن ولد بهالعمر وعاقل ومسالم ؟
.
وشيء ثاني ،، متأكدة ان الشيطان يوسوس لك دايم وتتخيلين لو ان هالولد مو موجد لو انه عند جده لو انك مااخذتي متزوج لو لو لو ،،، لا تسترسلين بالتفكير لان الوساوس هي اللي تضعف قوتنا وتشوش تفكيرنا .
.
لعل احسانك له وعطفك عليه يكون هو سبب دخولك للجنة ، خاصة انه مسكين ماعرف طعم الحنان من أمه .
.
ودايما ادعي : اللهم سخرني له وسخره لي اللهم اجعل له قبولا في قلبي .
.
والأكيد الأكيد ، انك ماكتبتي هالموضوع وطلبتي النصح إلا لأن معدنك طيب و فيك الخير .
الله يحفظ لك عيالك كلهم ويجعلهم لك ولبعضهم عزوة وسند .

عزيزتي انت اللي جيتي على ضرتك مو هي..
الله ينصر هالولد على من ظلمه

( ومشكلته انه معاني من امه كثير لان امه معقدة وكانت تعنفه كثير وشاف الويل منها يوم كان عندها )


حتى انتي مو احس من امه انتي عذابك له نفسي بينك وبينه ومحد داري عنك وقدام زوجك الطيبه الحنونه
اتقي الله في الولد

تقولي ما افرق بينه و بين عيالي وانتي حابسته في غرفته و لايكلم اخوانه وتطرديه ماياكل معاكم

تذكري الدنيا دواره و ظلمك له لو ما اخذ حقه منك في الدنيا فهو خصيمك يوم القيامه قدام ربنا سبحانه مايروح عند الله شي ولو مثقال ذرّه

والله مافي زوجة اب سمعت عنها ظلمت عيال زوجها الا و ذاقت من نفس الكاس لما كبرت و احتاجت

الان هو محتاجك بكره انتي تحتاجيه وماتدري يمكن يصير افضل من عيالك اذا احسنتي له

حطي غيرتك من ضرتك وكرهك لها على جنب لانه ماله دخل فيه و لاتظلميه بهالتعامل و التفرقه

واذا مره ماقدرتي تتقبليه خلاص ارسليه عند جدته تربيه وتكرمه وفي كل الحالتين الولد بيعيش من خير ابوه لانه ابوه زي ماهو ابو عيالك.