السلام عليكم ورحمة الله وبركاته
اخواتي
حبيت استشيركم في مشكلتي مع زوجي
زوجي بحكم طبيعة عمله يتصلون عليه احيانآ حريم عشان يخدمهم وانا لما اشوف ارقام غريبه ازعل واعصب لأني اتضايق من هذا الشي.
المهم انا طول فترة زواجي كنت اعرف رمز جواله وهو يعرف رمز جوالي ومابيننا اي خصوصيه
طبعآ من فتره بسيطه لاحظت انه غير الرمز عشان مايبغاني ادقق واعرف من يتصل عليه وتصير مشكله كالعاده.
انا تضايقت من هذا الشي وحاولت اتفاهم معاه
اخر شي صارت مشكله لاني ابغاه يفتح الرمز ويرجع زي اول وعصب وزعل واتهمني اني موسوسه وشكاكه وغلط علي ..
المهم انا حاليآ عند اهلي وماني عارفه وش اسوي في مشكلتي وكيف اتصرف معاه
شاركي في النقاش
سجلي الدخول لإضافة تعليق.
التعليقات
15- انتي غلطانة مية بالمية
مالك صلاح بجواله
مو لازم تعرفي الرمز
اصلا غلط تفتحيه
سواء قدامه ولا من وراه
ايش حركات الاطفال هذه
احترموا بعض وسيبوا جوالات بعض
الله يهديكم . - دايم أنصح أي وحدة متزوجة ماتفتح جوال زوجها ؟!
غالبا بعد ماتفتح الجوال رح تصير مشاكل لا إنتِ اللي قدرتِ تعدلين سلوكة ولا إنتِ اللي سلمتِ من المشاكل ..
الإنسان إذا ماراقب الله وخافه، بيخاف من زوجتة ؟!
لا والله..
أنت عليك تدعين الله يحفظك ويحفظه عن الحرام وتستودعين الله دينه وآمانته ،، بس مو عليك تفتشين جواله وتحاسبينه..
نصيحة لك والله ماورى تفتيش الجوال إلا المشاكل
إذا دخل قلبك الشك اشلون تجيك الثقة بعدين..
أنا ما ألومك والله انك تخافين وتغارين عليه .
بس مابيدك حيلة ..
الله ييسر أمرك ويجعلك قرة عين لزوجك ويسخره لك ..❤️💕 - اشتري راحة بالك ولا تراقبين جواله
مدة زواجي اكثر من عشر سنوات ماعمري مسكت جوال زوجي الحمدلله مع انه متاح لي كثير ومقفله برمز لكن اعرفه واقدر افتحه
تزوج مرتين علي وخطب كثير وكان يعكف على جواله ويسهر ولافكرت اقرب للجوال
لأني ادري انه ماراح يخبي عني شي يسرني
ولان مابيدي حيله لو شفت شي يضايقني
لو هو ولدي الصغير احاسب واعاقب وامنع لكن زوجي وش بسوي غير مشاكل وقلق
ومن جهه ثانيه اعتبره تجسس والتجسس لايجوز شرعاً ليه احمل نفسي ذنوب زياده على الهموم ...
الان انتي اقبلي بأي بوادر صلح وخلاص اتركيه هو واجواله واستودعيه الله - عند اهلك على رمز جوال .... على كلامك كانه صغير ... مو رجال وصاحب كلمه وكبير البيت ...انتبهي لنفسك وارجعي بيتك لا يدخل الشيطان بينكم ...ويعاند وتصل لمشاكل طلاق ويتزوج غيرك في غيابك وتهدمين بيتك بنفسك وتفتحين عليه باب مقفل... وتندمين بعدين..
- خنقتيه اذا خلاه مفتوح تراقبيه وتهاوشيه مع انو تعرفي من قبل ماترتبطي فيه طبيعه عمله واذا قفله عشان يتجنب الحنه نشبتي له بكل الحالتين منتي راضيه معاه حق يطق
مواضيع مشابهة
تابعي تجارب أخرى من هذا القسم.