قهوتي نداء ﻷصحاب الكيف

اذا تبغين القهوه تمخمخ الراس جيبي قهوة نيئه واغسليها وجففيها واحمسيها على ناار هاديه لين تشقر لاتحرقينها
وعبيها بعلبه واطحني بس اللي تسوين فيه بذاك الوقت
اطحني منها شوي واغلي لتر ماء وضيفي له فنجان ونص قهوة واتركيها تغلي مدة ربع ساعه بالترمس حطي ملعقه هيل مطحون وشوي قرنفل مطحون وصبي عليه القهوة واتركيه ٥ دقايق وتقهوي

انا اختار قهوة وسط لا هي غامقة ولا فاتحة واخلي اول شي الموية تغلي وبعدها احط فنجال وربع على لتر موية او زود بشوي واخليها تطبخ بس عشر دقايق بالكثير 15 دقيقة وشيليها عن النار وانتظري عليها 3 دقايق بعدين زليها بدلتك وحطي فيها نص ملعقة كبيرة هيل وزعفران الكمية اللي حابتها وخلاص سكري الدلة وانتظري بس دقيقة او دقيقتين عشان تتناغم المكونات وبالعااافية

انااجيب القهوة واغسلها واخليهايومين تنشف ثم احمصها واحط معهاشيبه واذابردت اطحنهاواحط في ابريق المويه مامغلي وزعفران اخليه يغلي علاشان يطلع نكه الزعفران ولون واضيف عليه 3ملاعق قهرة وشوى حليب سايل واخليهاتغلي 5دقايق واحط بالترمس هيل واصب عليه القهوة طريقتي تجنن كل من ذاق قهوتى سالنى عنهاالي ماتعرف القهوة الزينه تشترى قهوة بيشه حلوة للمبتديات

مساء الأُنس و السعادة 💕
على حسب نوع القهوة
ودرجة التحميص
وبالاخير اضافتك الخاصة اذا حابة بخلطة او بدون ترجع لمزاجك
بالنسبة لقهوتنا قبل كنا نستخدم خلطة القصيم
لكن من كم سنة فقط هيل و مسمار ( عويدي)
ومدة طبخها اذا التحميص غامق بالمره 10 دقايق يكفي
واذا وسط 15 دقيقة يكفي
مع الوقت اذا ضبطتي تحميصك و مده الطبخ تضبط معك

انا اجيب قهوتي من كيف الشيوخ حمسه وسط
وفيه طريقها اخذتها من سليمان القصار وفعلاً حسيتها طعمه وفعلاً قهوه بالراس
اللي هي مثلا اليوم طبختي قهوتك فنجان قهوه ولتر ماء تقريباً "تخلين الحثل اللي بالدله ماتكبينه واذا جيتي من بكرا تحطين على الحثل نص فنجان قهوه ولتر ماء واطبخيها تقريباً ٥ دقايق او اكثر واسمتعي
انا عن نفسي ماحب احط فيها الا هيل بس واحب طعمه طالع شوي يعني ملعقه مليانه ومرات احط زعفران وبس 😌