تجمع الرقيه سبيلنا للشفاء من الأمراض _ الجزء الرابع ( 4 )

يارب انه آخر تجمع لنا وننشفي وننطلق للحياة آمين يارب العالمين

يا الله كلامج عشته يوم بيوم يا مامن جديد

فعلا كل فتره أقول تحسنت وايد وقربت من الشفاء

وروحي هدت شوي من بعد ما صرت أحسن :)

أول مابديت الرقيه اليوم اللي ماقرا فيه يأثر علي بشكل واضح .. ع الأقل حافظي على الأذكار اذكار الصباح والمساء واذكار النوم ضروري .. و اقري المعوذات خمس عشر دقايق ماتاخذ وقت بإذن الله

وايد بنات قالو معاكم بالتجمع لكن المشاركات مقتصرة على ثلاث .. أربع بنات :(
ليش جذي خلونا نساند بعض اللي حنا فيه صعب محتاج واحد فيه نفس المشكله علشان مانتحسس من بعض كلنا فينا نفس المرض ماتجي وحده وتقول تخيلون هههههههه




المعلومات وايد مهمه كونهم مرو بنفس المعاناة وفيه حلول للأعراض بإذن الله


نشجع بعض وهذا شي مهم لرفع المعنويات


موشرط تكتبين مشاركات وايد مشاركة وحدة خمس دقايق بالكثير عشر دقايق وهذا كل الأمر


التجمعات اللي قبل كانت أنشط من هذا التجمع يلا بنات ننفض الكسل والتسويف ونغير حياتنا بإذن الله ..


وانا وحده من الناس اللي لو أحطلكم مشاركاتي بالتجمعات السابقة ماتصدقون انها هي أنا


الحمدلله أحس نفسي ساعات ضيفه على التجمع مع انه انا اللي فاتحه التجمع لأنه الحمدلله أعراضي خفت بشكل كبير اذا ما اختفت أغلبها وناطرة

الشفاء وصلت ل هالمرحله بفضل الله أولا وأخيرا ثم تشجيعكم يا أحلى خوات ..


وانا الحين فاضيه ابي أشوف مشاركات وايد علشان نرد على بعض وناخذ ونعطي مع بعض




والقادم أجمل بإذن الله تفائلوا بالخير تجدوه ..

انا لي في الرقيه 13 سنه
عانيت من السحر والمس والعين معاناه ما يعلم فيها الا الله
مؤمنه انه هذا ابتلاء والله اذا حب عبده ابتلاه
والحمدلله على كل حال كتبه ربي لي والله يجعله زياده في الدرجات ...
تخيلوا كان خادم اللي فيني يحلف انه ماراح يخليني اتزوج ويقول انه رد خطاب كثييير عني ،، وانا كنت اشوف احلام كلها تفسيرها اني احتاج رقيه وانه فيه ناس يبون يتقدمون لي بس الاذى اللي فيني يصدهم عني ... هذا غير اللي يكلمون وبعدها يختفون
رحت لرقاة كثير ،،، هذا غير اني اقرأ في مواقع الرقية الشرعية واطبق ...
كنت مستحيل استسلم رغم الصعاب اللي مريت فيها و وكنت اقول هذي حياتي يا انا يا هم مستحيل اخليهم يلعبون فيها مثل ما يبون ...
ومره من المرات كنت اعاني من مشاكل قووويه رغم اني ماتسببت فيها ولا لي دخل بس سبحان الله كذا تجيني !!! المهم اني كنت ابحث باليوتيوب عن اشياء تساعدني وقريت عن فضل (( لاحول ولا قوة الا بالله )) ومسكتها شهر كامل وانا ارددها يومياً واحياناً من قوة الهم اللي كنت فيه اقولها وانا ابكي وبعد كنت اصلي الوتر وابكي وادعي بالسجود تقريباً بعد شهر ابوي انعزم لمناسبه وشاف فيها صديق له من زمان ما شافه وبعد السوالف مع بعض ابوي قال له عن المشاكل وكذا فقال له قريبي يقرأ بس على الناس اللي يعرفهم وهو بيكلمه عشاننا (( شوفوا كيف ربي يسخر لنا الاسباب واحنا مو حاسين )) وبعدها بكم يوم رحنا له وبعدها بفتره صارت لي اول خطوبه تكمل ويجونا الناس تخيلوووا بس ربي اذا اراد شي راح يصير سواء فيه سحر ولا وش ماكان يكون سبحانه وتعالى بس اول ما تزوجت جاني حسد قوووووووي معاه مس كرهني بزوجي الحمدلله على كل حال بعدها مثل اللي جاتني صدمه وانفصلت وانقلبت نفسيتي فوووق تحت كرهت كل شي لكن الحين حابه ارجع احارب وما استسلم مهما يصيييير 👊🏻
اعذروني طولت عليكم لكن بوريكم انه مافيه شي صعب وبلحظه ماتتوقعوها يجي الفرج ❤️❤️❤️