شغالة اهل زوجي

السلام عليكم حبايبي
صباح الورد والعسل عليكم كلكم
قبل ما اكتب موضوعي الله يسعدكم اللي تبغى ترد رد مو طيب لا ترد لاني قد كتبت كم موضوع وجاتني ردود مو حلوة ف اتمنى نراعي مشاعر بعض ونحط نفسنا مكان غيرنا قبل لا نرد 🌹


المهم موضوعي هوا شغالة اهل زوجي قبل الزواج قلي زوجي انو الشغالة كانت تصحيه عالدوام بحكم انو اخواته متزوجين ومافي غير امه في البيت وشغالتها وامه حرمة كبيرة ماتقدر تتحرك المهم انا عديتها الهرجة دي وسكتنا
بس بعد ما اتزوجنا وسرت اروح زيارات لاهله اشوف اذا هوا او اخوانه جالسين عند امهم الشغالة ما تخرج الا تجلس ونقعد تكبس حماتي وهيا وجهها مقابل وجه الرجال وترسم ابتسامة خفيفة طول ما هي جالسة
انا صراحة بدا الموضوع دا يضايقني
لاني فبيت اهلي امي معودة اخواني ما يدخلو المطبخ وفيه شغالات ومايكون في اي احتكاك بينهم وبين الشغالة واذا يبغو حاجة يكلمونا احنا البنات حتى كانت تكلم الشغالات تقلهم اذا واحد من اولادي اذاكم تعالو كلموني الين الحمدلله اخواني متزوجين وعندهم شغالات بس خلاص اتعودو انو ابدا ما يحتكو فيهم


لكن الله يهديهم اهل زوجي الشغالة عادي تجلس وهما جالسين الرجال وحماتي تقول روحي صحي فلان وروحي اعطي فلان العشا في الغرفة واحتكاك فظيع مع الشغالات شي مو طبيعي غير انهم يلبسو شغالتهم ملابس اقسم بالله قمصان ضيقة مفاتنها كلها بارزة والاكمام لفوق الكوع وكانو لو خرجو يستاجرو والشغالة مع امه نايمه ممكن واحد من اولادها ينام فنفس الغرفة بس من جهة تانية او في اللرض مو من جهة الشغاله يعني ماعندهم لا ادب ولا احتراه ولا خجل الوضع عندهم شربة
وقدامنا احنا الحريم تقلب وجهها واول ما تشوف زوجي او واحد من اخوانو ترسم على وجهها ابتسامة خفيفة بخجل
يعني شي يقهر صراحة
انا الان زوجي يقلي ابغا امي تجي تجلس عندي كم يوم قلتلو البيت بيتها لكن اقسم بالله قلبي مرة مقبوض لانها ما تمشي الا وشغالتها معاها وانا عارفة وابصم بالعشرة انو لو جات عندي حتجلس شغالتها معانا في المعيشة وفي اي مكان بحجة انها تسوي لحماتي مساج في رجولها
انا زوجي من النوع اللي يحب يلفت النظر يعني لو احد جالس معانا يبالغ في المزح والحركات اللي مالها داعي
ابغا حل صراحة لاني سايرة اكره اروحلهم وسايرة اشغل زوجي بطريقة غير مباشرة عشان لا يروحلهم بسبب الحركات اللي مالها داعي
واللي تقول واثقة في زوجك لا تكبريها معليش كثرة الدق يفك اللحام
وابليس شاطر
ف ايش رايكم ايش اسوي ابغا حل امه على عيني وراسي لكن شغالتها ما ابغاها تجييييييي
اقسم بالله اني اكتب الموضوع وانا مرة مقهورة