انا سوداء
السلام عليكم انا ابغى افضفض اليوم.انا سوداء يعني مو حنطية ولا قمحية ولا سمره لا سوداء.انا تعبت من احساسي باني غير جميلة.كل السعودية تقريبا بنات لون بشرتهم بيضاء او سمره مع اني سعودية والله اتمنى لو اصير حتى حنطية.امس كنت في المول وكان مليان شباب وكنت جالسة في الكرسي (انا البس حجاب بس بدون برقع) لحالي لانوا اهلي كانوا يشتروا وانا قلتلهم بجلس وبعدين كان في بنتين جالسين على الكرسي جمبي ولون بشرتهم بياضا وجميلات والله اتمنى لو كنت ببياضهم بس ومشيوا شباب بيض من قدامي وطالعوا عليا وطالعوا على البنات وقعدوا يتغزلوا بالبنات وحتى انا ما كلموني ولا تغزلوا فيا .انا مو بنت قليلة ادب عشان ابغاهم يتغزلوا فيا انا بس ابغى احس اني جميلة منجد .وانا في المول شكلي غريب لان الكل بيض او سمر حسيت كاني دخيلة .انا جميلة وجسمي حلو وخصري ٦٣ سم ولاكني سوداء.والله اتمنى لو اصير سمره بس ترى انا ولدت سمره ومع الشمس صرت سوداء مو سمره يعني سواد "الافارقة" على قولت بعض الناس .ممكن خلطة ترجعني للوني الاصلي بس لا تعطوني خلطة فيها كريم جليسوليد لاني ما عندي هذا الكريم ولا اعرف من فين اجيبوه ولا تعطوني خلطة فيها كريمات كيميائية. حتى ما ابغى اطلع برى البيت لاني اقول انا جميلة واول ما اطلع برى البيت ثقتي بنفسي تنزل للارض واقول ياليتني قعدت في البيت وهذا الي في قلبي وانا اكتب هذا الكلام وانا ابكي يا ريت تساعدوني وتسامحوني على اي اخطاء في الكتابة لاني اكتب وانا ابكي وترى عمري ١٤