التجمع 119 للمقبلات على الحقن المجهري وأطفال الأنابيب

التعرق من التنشيط انا كنت أحس في بآخر أيام التنشيط

ربي يتمم يسعدك بشوفة الخطين يا رب

فرط التنشيط يبان من تحليل الاستراديول
سويه بموعدك الجاي اذا تعدى ٥٠٠٠ معناه من غير شر تنبيه للتوقف او باذن الله اذا امورك تمام يسحب وترتاحي وترجعي بعد الراحه شهر
بس اذا قرب موعد السحب وانتي ٣٠٠٠ الامور طيبه
هذا التحليل الوحيد اللي يعطيكي راحه انك في مأمن بعد مشيئه الله من الفرط
الالم بالجنوب والنغزات والشد كله اعراض التنشيط وان المبيض يستجيب حتى عدد البويضات وكثرتها او قلها مو دليل فرط
يعني لو كثيرة وبكل مبيض خمس بويضات
وسويتي التحليل بيطلع الهرمون بالمعدل الطبيعي
واكبر دليل ان كثير ما شاء الله بيسحبوا منهم ٢٠ او ١٤ او ١٥ بويضه وما معاهم فرط
التحليل مهم جدا

فرط التنشيط جربته مرتين
الاولى شفت الموت من الالم والكتمه وعدم القدرة على الوقوف امشي بالبيت احبي زي الطفل الصغير بس الحمد لله فوق كل هذا ما تنومت يعني كل اللي شفته يعتبر لطف من الله بحالي من اني اوصل لمرحله الخطورة اللي ممكن توصل السوايل للرئه وتهدد الحياة
وكانت هذي التجربه باول زواجي بسبب جهلي وقل امانه الدكاترة بصرف منشطات بالجمله بدون متابعه او تحاليل
والحمد لله على رحمته ولطفه
الثاني كانت مع سعد الدين قيناوي ولان الامانه بالعمل اهم من اي شي كان يحلل لي بكل موعد
وفي ثاني موعد بعد اربع ايام تنشيط لقى الهرمون ٤٠٠٠ قال على طوول نوقف وترتاحي هالشهر
طبعا زعلت بس قال حياتك اهم
عشان كذا اذا الدكتور ما طلب هالتحليل بفترة التنشيط انتو اطلبوه عشان الامور تمشي صح بامر الله طبعا

انا حصل لي بحملي بس بعد الترجيع بكم يوم
الدكتور يقول في اسباب كثيره ممكن تكون السبب مثلا
الوزن النحيف
عدد الاجنه المرجعه كثيره
قوه ابر التنشيط
ارتفاع هرمون الحمل وانخفاض بروتين الجسم لانه يسبب ضعف امتصاص الجسم للسوايل
وزي ماقالت دنيتي كل الخوف يكون من ان تتجمع السوايل على الرئه والكلى
انا سحبو مني ٧ لتر مويه على ٣ عمليات تخدير كامل
وبالاخير حطو لي انبوب ببطني يسحب السوايل ينفتح كل ساعتين ويرجع يتقفل ساعه ظل حوالي ٨ ايام
والاحساس زي ماقالت دنيتي ضيق فضيع في التنفس والم باضلاع الصدر والمعده وانتفاخ فضيع بالجسم وزياده بوزن الجسم يعني زدت حوالي ١٥ كيلو في اقل من ١٠ ايام بس بمجرد يروح يرجع الوزن لطبيعته ويخف النفخ ويرجع التنفس الطبيعي انا للاسف صحتي تاثرت من بعد هالتعب والحمدلله على كل شي
الافضل الوحده منا وقت التنشيط وايام الترجيع تراقب كميه البول بالنسبه للسوايل اللي تشربها وتشرب مويه كثير كثير وقبل الترجيع خاصه اذا فريش تطلب من الدكتور يعمل سونار للبطن يتاكد انه البطن مافيه ولا نقطه مويه حتى جنين واحد ممكن يسبب للي اجسامهم معرضه لاحتباس السوايل
انا وقت التنشيط من بعد ولدي امي وزوجي وحتى مسئولتي لانه جت لي المستشفى لما اجلس اسولف معاها وتذكر زيارتها لي تبكي على طول يكونو في حاله ازيد مني من القلق من بعد اللي شافوه مساكين فلا تستهينو في هالشي ابدا ابدا
واسمحو لي مو قصدي احد يخاف قصدي بس انه انتبهو وخذو الحذر وترى قليل يصير ولحالات نادره