العمر يمضي وهل الوقت فات؟
السلام عليكم ورحمه الله وبركاتهيارب وفق وحقق جميع من يقرأ الموضوع الان.. قصتي يمكن انها مكررة في المنتدى ومجتمعنا للاسف .انا بنت عمري ٢٨ سنة ، الحمدلله في اسرة محبة عطتني كل شيء بنت تتمناه ، تعليم ممتاز ، وتوجيه ، وبيت متفهم ، وثقة ، وحياة مرفهه.تخرجت من الجامعة وتوظفت على طول .. وربي وفقني وترقيت لين وصلت مكان عمري ماكنت اتخيله وهذا من فضل الله اللي مسخر لي اهلي ، الا اني خلال السنين هذي .. العمل لهاني عن امور كثيره .. اهمها الزواج. فاتحت امي في الموضوع ، وقل لها هل معقولة مافي خطاطيب ( بطريقة كوميدية ) الا انه عندي اخت اكبر مني بحمل البطن ، متوظفة وعايشة حياتها ولرغبتها الشخصية رافضة تتزوج الان ، فاتحت امي في الموضوع وفي البداية قالت يجونك خطاطيب لكن ماعندنا بنات يتزوجون قبل خواتهم الكبار، وبعد فترة اقتنعت هي ان هذي الطريقة غير سليمه، وقررت انها تعلمني بالخطاطيب ، تقريبا يوم عمري ٢٦ وللاسف اللي كان يجي المترديه والنطيحة اخلاقيا.وفي لحظة انفعال قلت لامي خلاص لا عاد تعلموني بالمخاطيب اذا انتم ماعرفتو تسألون عنهم زين. وعقب هذيك الكلمة وماعاد فاتحتني في الموضوع ..ومع الوقت ، تكون فكرة عند اهلي والناس اني انا مابي الارتباط ..واني انا من بنات الوقت اللي همها شغلها وسفر ودلع .. وهو غير صحيح للاسف ، حياتي لها اولويات وانا نفسي اكون اسرة .. ايش مقترحاتكم وحلولكم .. ولا تنسوني من دعاكم
