السلام عليكم ورحمة الله
كيف نظرتك لي خلف الشاشه
انا بنت هجره صغيره. مستوى تعليمي رابع ابتدائى
تزوجت شاب عايش في مدينه جامعي.
ورزقني الله باأطفال وعشة معه على الحلوه والمره وعلى الفقر والصبر ومرت الايام وكانت طيبه الحمدالله. وحاول اكمل تعليمي. بس ماكتب الله ولم احس بفرق بينا في شي كان تفكيرى رضاء ربي وزوجي وكنت محبوبه من الجميع الحمدالله. كان هناك غيره بسيطه من أختي الاكبر. مني ب سنوات. انه وش الى اعجبه فيك اعمى ميشوف هو ولاكنت أ قدر ارد عليها غير توفيق من الله
وبعدها تطور الوضع وصار زوجي يكمل دراسته خارج المملكة. وصار برفسور. ومدير شركة كبيره
وكبرنا وكبرو العيال. وسفرنا معه أحدا الدول لما صار عمري 45 وتعرفت على مجتمع اخر كل كلامه يختلف عن كلامي عندهم لغات وجامعيات وناس عندها الدكتوراه
يعني يقوطرون علم.
والحمدالله. كلهم يبون الجلسه الى انا فيها ليس مدح في ولاكن الكل يقول اخلاقك عسل وهذا من فضل ربي
بس لما يتكلمون عن اسماء الماركات. معرف اسم.
لما يتكلمون عن الاشهر بي الميلادي معرف اي شهر يتكلمون عنه لمايتكلمون عن عمليات التجميل واجهزتها. احس اني من كوكب اخر
لاتقولون ادرسي. خلاص احس معاد به عمر ويتحمل حاولت اتعلم بعض الاشياء بعدين اقول وش بتغير الكل يحبني مثل ماأنا. صح ان اختي تقول المفروض. انه ياخذ وحده من مستواه. يحز في خاطري بس ماأعبر حريم الزملاء كلهم موظفات وجامعيات اخواته. وزوجات اخوانه اخاف يكون يحس بنقص بس مايقولي
شورو على وش أسوي 😔
شاركي في النقاش
سجلي الدخول لإضافة تعليق.
التعليقات
25- نظرتي انك ماشاء الله انسانه صبوره ووقفتي مع زوجك ونجاحه بعد الله من صبرك
كثير مثلك وازواجهم اعلا المراتب واولادهم وطلعوا اجيال متعلمين ومراكز
اختك ليش غيرانه سكتيها بااي رد يمكن انتي حساسه او انك تقولين هذي متعلمه وو تبدا تعيد عليك
اقري اذكارك عموما
والتعليم الي تعلمتيه مايمنع من انك تكونين مثقفه
افتحي قوقل اليوتيوب اي شيء وتعلمي اسماء ماركات وتثقفي بالكتب المهم الي تحسين انك ماتعرفين فيه
وخلك واثقه من نفسك انتي لاتنظرين لنفسك كذا
خلاص السالفه من زمان مساله التعليم ولمكان الي كنتي ساكنه فيه مع اهلك
وزوجك لو فيه شيء كان حسيتي
تعوذي كن ابليس ولا توسوسين - والله ياقلبي اذا زوجك راضي عنك و انتي راضيه عن نفسك ..
لا يهمك كلام اختك ولا كلام الناس ،
الماركات و المكياج و غيرهن لا يرفعك و لا ينزلك ...
دامك محبوبه و مرغوبه هذه نعمه من الله سبحانه وتعالى ..
اذا سألوك بالمكياج قولي انا بسيطه ومااعرف الا الفلاني و الفلاني ..
واذا سألوك عن الماركات قولي مايهمني المهم القطعه تعجبني كموديل و لون ...
و اذا حابه تتعلمي ، شوفي قوقل و اليوتيوب و السنابات ممكن تتثقفي وتتعلمي بدون شهاده ..
الله يسعدك و يخلي لك احبابك ... - انتبهي تفتحين هالموضوع عند زوجك وتفحتين عيونه على شي ماهو فاطن له هذا شي لي تحسين فيه لحين بسبب اختك وكلامها لك لانها جرحتك بكلام انسي هالموضوع حاولي انك تتطورين من نفسك كملي دراسه عادي وادرسي انجليزي مافيها شي حتى لو انك كبيره بس انتبهي من اختك هالزمن ماينخاف الأمن اخوات واذا فتحت اختك هالموضوع مره ثانيه معناته انها تبيك تصرين حزينه في حياتك مهمومه يمكن شافتك انك سعيده وعندك اشياء مهيب عندها ردي عليها وقفيها عند حدها قولي انا لحمدلله ماعندي شهادات لكن عندي معرفه وحب الناس لي المهم امدحي نفسك وخليك واثقه من نفسك
- وصح لاتقولين لااي احد انك ماتعرفين اي شيء
بالعكس تثقفي وليش تقولين عن تعليمك وو
وزوجك لاتطرين ليش النت والجوال ماخلا احد جاهل دموع المجاريح انتبهي تفتحين هالموضوع عند زوجك وتفحتين عيونه على شي ماهو فاطن له هذا شي لي تحسين فيه لحين بسبب اختك وكلامها لك لانها جرحتك بكلام انسي هالموضوع حاولي انك تتطورين من نفسك كملي دراسه عادي وادرسي انجليزي مافيها شي حتى لو انك كبيره بس انتبهي م…
معاها .. اهم شي زوجك لا تحسسينه وش يدور في بالك .. يمكن هو ربي مسخره لك ولا يشوف غيرك وحاس ان مااحد عنده زوجه مثلك.. فأحمدي ربك واشكريه ..
بالنسبه لأختك اسفهيها لأنها حسوده .. ولا تتكلمي عن زوجك قدامها.. واذا قالت زوجك فيه وفيه قولي لها كل الرجال فيهم ايجابيات وسلبيات ما حد يعرفها .. حسسيها ان زوجك عنده بعض السلبيات بدون ذكر التفاصيل .
الماركات والاشياء الثانيه تعلميها من اليوتيوب او السناب اهم شي انتي مقتنعه بنفسك وثقافتك حتى لو كانت بسيطه .. واذا عندك وقت فراغ تعلمي لغه .
وادعي دائما بالتسخير من زوجك ويكفيك شر كل حاسد وحاقد
مواضيع مشابهة
تابعي تجارب أخرى من هذا القسم.