زوجي ما يحس

مشكلتي زوجي ما عنده احساس
انا ساكنه ف بيتي وحدي مع أطفالي وزوجي دوامه ف منطقه ثانيه ويجي أيام الويكند يعني أنا الأم والأب لما يكون ما موجود
أمس جاني يبغى حقه وانا كنت تعبانه وفي قمة التعب وخبرته اني تعبانه قال ليش تعبانه قلت من شغل البيت والصغار انا عندي ٣ أطفال وكلهم وراء بعض الكبير ٥ السنوات والثاني ثلاث سنوات ونص والبيبي عمرها ٥ شهور ف الليل اتعب مع بنتي الصغيره تقوم ٣-٥ مرات ف الليل يعني نومي متقطع اقوم الصبح انظف البيت واجهز الفطور ما يمديني اخلص شغل الصبح الا الساعه تكون صارت ١٢ أبدأ بالغداء ....الخ
أمس كنا جالسين وقال انتي تمني علي في كل شي
تقولي انا اسوي شغل البيت واربي البزران واسوي كل شي قلت صح وفوق هذا اذا حبيت اطلع واغير جو يطلب مني اجهز العشاء او الغداء يعني انضغط كثير قبل الطلعه
عصب علي وقال انتي منانه وما يريد يكلمني
كيف اتصرف معه ؟ كيف اخليه يحس فعلاً اني تعبانه وكل المسوؤليه انا اللي متحملتنها
حالته الماديه صفر وما يقدر يجيب عامله تساعدني
هذي المشكله ابتدت من انتقلت بيتي من ٦ أشهر لاني كنت ساكنه ف شقه وشغل الشقه سهل وخفيف وكنت ما اتعب كثر الحين شغل البيت متعب مع تربية الاطفال وزيادة طفل وخاصه ف سن الأشهر حاولت اطلب منه يجيب عامله يوم او يومين ف الاسبوع بس ما عنده القدرة الماديه
هذي المشكله تتكرر كل اسبوع تقريباً 😭عجزت احلها حاولت اقلل ضغط على نفسي بس ما اقدر احب كل شي نظيف ومرتب