تجمع الرقيه سبيلنا للشفاء من الأمراض _ الجزء الرابع ( 4 )

أخواتي ربي يشفيني وإياكم أجمعين كنت أرتاح أكثر شئ على الماء المرقي والآن صار عندي جرثومة المعدة والطبيب قال معدية وتنتقل بالريق فما عدت نقرا على الماء بدأت نكتب على صحن بماء الورد والزعفران لكن هذي الطريقة ما نقدر نكتب أيات
كثيرة فهل لكم طريقة أخرى نقدر نقرأ الرقية كاملة وجزاكم الله خيرا

اشربي ماي زمزم .. ماء زمزم لما شرب له ادعي الله وانت تشربينه ويارب تشافين قريب ..

ان شاء الله يكون متوفر عندج ماي زمزم

آمين الجميع يارب 💝💝




بنات الرد عندي بالقطاره
اعذروني اذا تشوفوني ما ارد كله من المنتدى 😭
ان شاءالله لما اعدي 50 مشاركه يتعدل الوضع كل يوم 8 ردود بس 😔

نفس لما تغتسلين بماء مقري عليه
بس هذا اسرع وبمكانك 😁


حتى الحبوب اللي فالبشره بتروح ووجهك يصير منوّر يعني فايده جماليه وعلاجيه 🥰


تجيبين علبة بخااخ فاضيه غطاء البخاخ يشبه العطر ان شاءالله فهمتي قصدي 🙈 وتعبينها نصها ماء مقري ونصها ماء ورد


انا لما اقرأ قرآن راسي يصير ثقييييل واحس بالقوه افتح عيوني فأبخ من البخاخ على راسي ووجهي لما احس بكذا وبعد لما النبض يطفشني ابخ مكانه


وكذا مره في اليوم ابخ منه لما اصحى وبعد الوضوء وعلى حسب