شاركي في النقاش

سجلي الدخول لإضافة تعليق.

التعليقات

1,258

  3. السلام عليكم اخواتي جميعا
    كيف حالكم وحال اطفالكم ..يارب يفرحنا بعافيتهم قريبا يا ارحم الراحمين
    في البدايه اعجز عن شكر نيسان اللي فتحت هالموضوع واللي ماقصرت مع اي وحده في الرد والمساعدة واعطاء الافكار. وكل اخت ساهمت بدعوه او تشجيع او فكره او اي شي
    ماتتصوروا قد ايش استفدت من تجاربكم وافكاركم ومن كل شي انكتب هنا
    الله يجعله في ميزان حسناتكم جميعا ويفرحكم بشفاء اطفالكم الشفاء التام يارب يا كريم

    انا طفلي عمره 4 سنوات صنفوه توحد بسيط ولله الحمد
    هو كان من صغره يتفرج تلفزيون بس مش بالساعات الطويله قنوات اطفال واناشيد انجليزي وزي كذا
    في البدايه اللي خلانا نشك انو فيه شي تأخره بالكلام ومايكون جمل الا من كلمتين او في الامور اليوميه او طلبات يوميه لكن لما نسأله سؤال ❔ بسيط مثلا مين عمل كدا ..او ليش تبكي ..او اي سؤال خارج عن العاده مايفهم ولا يعرف يجاوب ولا يحاور ابدا ....كمان يحب دايم ينسدح ويلعب بالسيارة وهو يناظرها من الجنب ..هالشي كان يعمله يمكن من عمره سنتين بس عمره ماجا ببالي انو توحد لانو كان طبيعي في كل شي ولانو ماكنت اعرف انو هالحركه معناة نظره جانبيه وانها من سمات التوحد

    اخوه الاكبر تأخر بالكلام فقلنا عادي زي اخوه بس الفهم والاستيعاب هو اللي قلقنا

    وكمان عصبي جدا جدا ويغار من اخوه الاصغر بشكل مو طبيعي بس يضربه ويشد شعره وياخذ اي لعبه منه المهم يبكيه ..ويضربني انا كمان لو زعل مني او مااعطيته اللي يبغا ..هو حسيت طباعه تغيرت مررررره من بعد ماجبت اخوه ماكان عصبي بهالشكل وكمان صار يطلب بالصراخ والزعل بعض الاحيان
    لما نناديه مرات يجاوب ومرات يطنش احس يسمعني بس مايبغا يرد ..مزاجي جدا.. وكمان يضحك بطريقه غريبه مثلا لما ابوه يجي من الشغل او لما يخجل هل اعمل زيه ؟

    بديت في برنامج اندلسية ليا الحين 6 ايام
    للان مافي اي تحسن او ممكن اقولك ايام ماشاءالله عليه يهدا ويتجاوب وينبسط وايام ترجع العصبيه والضرب

    امس لاحظت يرفرف بيده ثواني مع انو ماعنده هالحركه فخفت بس طنشت وقلت عادي دامه ماطول وكمان حسمع كلام نيسان وماحركز في السلوكيات ..كمان لما يتفرج من الشباك يحب يصرخ وانا اقوله ششش عيب او اهدده اني حقفل الشبالك هل تصرفي صح ؟



    في فقره وجها لوجه انا احكي له قصه عشان يحب القصص ولما مثلا اخليها كلام بينا مايحب كثير يطالع فيني مع انو تواصله البصري ممتاز اللهم بارك والحمدلله مااعرف ليش هل لان مايحب الحوار او مايفهم كل الكلام او ايش السبب الله اعلم…
    في شغله ثانيه لو مثلا مارضي يتغدا اقوله يللا نتغدا عشان نخرج مثلا هل يعتبر هذا تعزيز
    وسامحوني طولت عليكم

  4. ويييين الناااس ههههه


    كمان في شغله حابه اسأل عليها… التدليك بعض الاحيان اعمله بعد ماينام عادي؟


    وفي ايام ما اقدر التزم بالعدد 5 مرات مثلا لظروف مره كان عندنا عزا وفي الويكند برضه غالبا ما اقدر اكمل العدد


    هل اقدر اعوض هالايام عادي ولا يأثر عالنتيجه؟
    اعطوني اشياء للروائح
    ابني فقره الشم والتذوق يكرهها لانو في اشياء مو حلوه وانا ابغا انوع له الروائح والمذاقات ويادوب احط عاللسان وبس لان مايرضى اعيد له يعني مانوصل حتى دقيقتين


    الشم مرات خل ..بهارات.. مويه الورد ..عطر.. ماهي افكاركم؟

تابعي تجارب أخرى من هذا القسم.