مانمت من القهر اللي فيني

صباح االخير كيفكم اخواتي
راح اطرح مشكلتي وكلي ثقة بعقولكم الحكيمه التي سوف ترشدني الى التصرف الصحيح ان شاءالله
المشكلة ان زوجي راح عنده شغله في منطقه ثانيه تبعد عن منطقتنا ساعه وكلمني اذا رجعت من الدوام ابلغه طبعا دوامي مسائي فلما رجعت نسيت اكلمه كأن جاني زهايمر سويت قهوتي وصليت المغرب وتقهويت وهو يتصل علي وطلع جوالي صامت والله ماانتبهت له المهم مر حدود نص ساعه قلت خلني اتفقد الجوال غريبه ماله حس فلما فتحته لقيت له 10 مكالمات واتصلت عليه وقام يسب وعصب وفجاءه وهو عند البيت ودخل وكمل السب ومع الجدال عطاني كف يقول خوفتيني مدري وش صار عليك حتى شغلي ماكملته .
انا انهرت وبكيت واول مره مارد عليه صرت صنم مع اني عصبيه وكنت اجادل فيه واهاوش لكن لما عطاني كف تسمرت وهو انفجع ومن البارح وهو يعتذر ويتأسف بس فيني غصه خرج وكمل اعتذاره برسائل الواتس وطلب اني اسامحه قلت خير ان شاءالله
يااخواتي جرحني ومدت اليد ماهي سهله على الحرمه
وش رايكم اسامح واحاول انسى ولا اربيه التعبان