التجمع 119 للمقبلات على الحقن المجهري وأطفال الأنابيب

لا حول ولا قوة الا بلله العلي العظيم
الله يعفو عنك

الله يثبته ويبلغك الفرحه به

يا رب يبارك لك فيه و تحملي منه

كنت متأكده ان مافيه حمل لان الدوره نزلت علي رغم اني كنت استخدم المثبتات

هذا الكلام
انا ماقول لاتزعلون ولاتشتكون مستحيل اصلا لأن همنا مو بسيط وتعبنا مو عادي لازم نزعل ونتعب ونبكي ونحزن لكن بالمعقول وفيه فرق بين الحزن والرجاء وبين سوء الظن والسخط والقلق والهلع الغير مبرر أصلا !! عشان كذا نرجع ونقول لاتتركون الذكر واذا تبين تبكين لاتبكين عادي لا قومي توضي وافرشي سجادتك وابكي بكاء عظيم وانتي تدعين ووظفي حزنك مع الله وفي الله عشانه بيثبتك ثبوت قوي وبترجعين أقوى من قبل
لكن مافيه شي اسمه علامة فشل أكيدة الا التحليل الهرموني فقط ما اتعب واسوي عملية واعذب نفسي واجلد ذاتي قبل واثناء وبعد الترجيع وهو ماصار شي اصلا
وان جلسنا هنا كل وحده تزود الثانيه وش الفايدة المرجوة ؟! الفايدة نصحصح بعض ونقوي بعض ونفتح في حياتنا درايش الأمل

انا مرت علي أيام والله لو اتكلم عنها شيء عظيم من الحزن لدرجة اخر موعد لي هنا في الرياض انا كنت ااخذ فيتامينات ومستعدين وخلاص رحتله ببدا التنشيط وطلع ورقة التحليل وحطها في وجهي انا وزوجي وقالها لنا بصريح العبارة " انتو اصلا ماراح اسويلكم عملية ولافيه عملية بهالعينة لأنها بتفشل ونشوف بعد كم شهر اذا تحسنت بنسوي العملية "" تخيلي وصلنا لمرحلة يقولي مافيه اصلا عمليه يالله مع السلامه

انهرت سودت الدنيا في عيني سنين طيب وحنا ناخذ كورسات وعلاجات ولافادت بيفيد اللحين في هالكم شهر ! معناه ماراح نسوي عملية ابد
حزنت حزن عظيم مسكنا الطريق من الرياض لين الشرقية ودموعي شلال تصب من تحت النقاب .. زعلت يوم يومين بعدين حذفت كلام هالدكتور من النافذة وعرفت ان المشكلة الحقيقيه لو اضيع عمري انتظره وانتظر مختبراتهم الفاشله ترضى في عينتنا وبحثت وكلمت وقريت ورحت وجيت وحجزت وقررت وسافرت واللهم لك الحمد حمدا كثيرا طيبا مباركا فيه بعد اقل من اربع اشهر من كلام هذاك الدكتور انا حاامل لكن من اختيار ثاني ومستشفى ثاني وقرار ثاني ..
كنت اقدر اجلس على كلام الدكتور وناخذ فيتامينات واقعد ابكي وألطم صح ؟؟ لكن ما انتظرت احد توكلت على الله وبالله وتغيرت الحياة كاملة في لحظة ..


الله يرزق الجميع ياارب ويكتب لنا اجر الصبر والتعب ويرزقنا من واسع فضله