التجمع 119 للمقبلات على الحقن المجهري وأطفال الأنابيب

كيفك دنيتي
بشرينا سمعتي النبض💗

اهلين صديقه تجمع تجمعنا بحملنا الاول

كيف اطفالك المفروض الان ٣ واشوي صح ؟؟

مساء الخيرات
وجمعتكم مباركه
بفضفض من شغله مضايقتني مره بنات
حاسه بالذنب تجاه ولدي احس اني صايره عصبيه وبسرعه اتنرفز عليه ومقصره
منقهره صاير تفكيري وهمي كله في المحاولات والعمليات ومع العمل وانشغالي مرات ماعندي وقت العب او اسولف معه ماادري هالشي طبيعي او اني حساسه بزياده

ياهلا سما الورد
حنيني هنا ما ادخل الا هالتجمع مرات انوي اكتب وانشغل ماعاد ارجع بس الأهم اني اذكركم بدعواتي اللهم استجب
توأمي الكبار ايوا دخلو للمدرسة بس الصغار لسا ثلاثه وأربع شهور تقريبا

لاتفتحي لي باب اعادة وانا مقفلته ههه
مرات زوجي يقول شرايك نعيدها ممكن ربي يرزقنا باخت لهالبنت الوحيدة بين الاولاد بني آدم طماع احس نفسيا مو مستعده ربي يقوينا على تربيتهم ويصلحهم ويهديهم ويرزق كل متأخرة

حياك أماني
كيفك وكيف ولدك الله يحفظه
بالضبط عمر الحركة والاكتشافات والاصابات الله يعدي هالفترة على خير يارب
انتي مقبله ان شاء الله على عملية الله يسهل امرك وكل بنات التجمع ويفرح قلوبكم
وبالنسبة لولدك لاتشيلين هم ماعليه الا العافية لاتحسي بالذنب ولاتحملي نفسك فوق طاقتها ياحبيبتي الموضوع سهل دام قلبك صاحي كذا ماشاء الله وحس بالتقصير صيري وحده بوحده كل ما عصبتي امسكي نفسك وراضيه بطريقة مايحس فيها انك ندمانه كمان احكي له ياختي تصالحي معاه قولي له سالفه صارت لك بالدوام واضحكي معه عليها حتى لو موفاهم نصها بيمثل لك انه اسد ومستوعب الشغله كذا ينضبط شوي اذا هو حركي وبثر زي الي عندي عطيه جوه وعطي نفسك شعور الأمان معاه خليه صديق قلبك وبطلك الله يحميه هذا سندك مع ابوه بعد الله جربي انا هالطريقة مشت مع اولادي
وترى عادي اذا متضايقه ومشحونه تلعبين معه وتكفخينه شوي هههه فشي خلقك باللعب معه مافيه مشكله