شاركي في النقاش

سجلي الدخول لإضافة تعليق.

التعليقات

2,014
  1. @eman_h_h

    بداية اكتوبر
    خلصت قاريه سواليفكم 😁 عندي هرجه يابنات ☺️🙏🏻 شرايكم كل وحده تكتب لنا طريقتها بالكبسه كيف 😋👌
    هههههه شكلك مشتهيتها
    طريقتنا ناخذ شحم الغنم ونقطعه صغير ونحطه بالقدر ونشغل النار ونوطيها اقل شي ونغطي القدر لين يذبل الشحم ويطلع الزيت تبعه، ونقطع بصل صغير ونحطه فوق زيت الشحم ونقلب لين يتقشر ونضيف الطماط المقطع وفلفل رومي مقطع وراس ثوم مغسول ونحطه ع شكله واللحم ونقلب بعده نحط البهارات( كركم ، بزار العادي، اعواد قرفة، صرار حايل) ونخليه يتسبك شوي ونحط الماء المغلي ونكتمه بالضغط لين ثلاث ارباع استواء بعده نكون منقعين رز عنبر مثل كلاسيكي او ملك الارز ونحطه ويكون الماء فوق الرز مقدار سم فقط ونغطيه بدون مانكتم القدر وبس يختفي الماء عن سطح الرز نقصر النار حيل ونخليه تقريبا ساعة يستوي ع راحته فيطلع الرز نثري 👍👍 ونكون مسوين كشنة اللي هي بصل وزيت محموس ونحط فوقه قرفة وكمون وليمون اسود مطحونات ونحطه ع وجه الرز واذا جينا نغرف الرز نشيل الوجه ونغرف الكبسة بعده نحط اللي شلناه من الكشنة فوقه

تابعي تجارب أخرى من هذا القسم.