متعلقه بزوجي كثير

ترا بتندمين كثير..
الانسان اذا تعلق في البشر يتعب مع صدهم او تغيرهم او خيانتهم او اي شي يصدر منهم..
تصير سعادتك مرهونه ببشر وانتي عارفه وش معنى هالشي؟


معناه انه انتي ضعيفه وسعادتك هشه ومتقلبه على حسب مزاج اللي انتي متعلقه فيه..


لكن لما تتعلقين بالله صدقيني بتعيشين سعاده حقيقيه، مصدرها قوه عظيمه، وبتكبر ثقتك في نفسك والناس هم اللي يصيرون يبغونك ويدورون رضاك وماتعيشين بذله تنتظرين احد يحن عليك بكلمه او شي يفرحك..


قوي علاقتك بالله تلاقين سعادتك الحقيقه..
اشغلي نفسك بالمفيد تزيد ثقتك في نفسك..
اعطي كل ذو حقٍ حقه بدون افراط ولاتفريط تحسين بتوازن في المشاعر ورضى حقيقي..


الله ييسرلك امرك ❤

انا عكسك تماما ارتاح اذا راح اشيل همه وهو موجود اكثر ودي خلاص ارتاح ويطلع وتنتهي مهمتي خصوصا ههههههههه اذا اخذ اجازه من دوامه ونشبلي بالبيت ياااااااه اتعب ودي اخذ راحتي بالبيت وانظف وارتب ومااعرف وهو موجود اتضايق تقل شوكة ناشبه في بلعومي
لكن هو طيب ومو معناته انه مو كويس بالتعامل بالعكس عادي لكن طبع فيني ههههههه الله يعيني على نفسي ويعينه علي مسكين

الحب حلو بس مولدرجه يصير محور حياتك غلط كذا شوفيه هو يحبك بس مو لدرجه محور حياته صرتي غلط
اشغالي نفسك حبي نفسك انتي اكثر
حبي بناتك اكثر يخف حبك له

لاحول ولاقوه الا بالله ولامنجى من الله الا اليه

انا مثلك تماما ومتزوجة صار لي ١٣سنه قبل سنه انصدمت بخيانة زوجي مع انه جدا ممتاز معي ولازال لكني بعد اللي صار صرت اطلب منه العاطفه بشكل منفر مع انه ببداية زواجنا هو اللي كان حيل رومانسي الى فترة قريبه بدا يقل مره ويقول ان السبب ظروف العمل ووفاة ابوه ومشاكل اخوانه فصرت احزن على نفسي بعد ماكان يركض وراي ويدور رضاي صار العكس وكل مره تصير مشكله بسبب إهماله العاطفي وبسبب خيانته لين وصلنا لمرحله اننا نجيب سيرة الطلاق
انا جربت لمدة ٣اسابيع اثقل وأقلل عتب واتصالات لانه بعيد وحسيت اني ممكن استغني عنه الصراحه كانت من اروع الايام اللي مرت علي لان حسّيت استعادة ذاتي لكن للاسف بعد كذا رجعت ضعفت والآن احاول وماراح أيأس ان شاء الله