حياك الله حبيبتي رقيقة .
والله إنك عطيتيني أكثر مما أستحق :35:
ماني خبيرة أنا بنت عاديه بس احب أقرى عن التجميل والعناية بالبشرة
وأحسن وسيله إنك تحتكين بخبيرات التجميل وتحاولين تسألينهم عن
أحسن الطرق للعناية بالبشرة .
وراح تكون عندك خبره مع مرور الوقت .
وشوفي عزيزتي طريقة شاي البابونج هي كالتالي :
سوي شاي بابونج عادي ( Tee Bags ) وشربيه إنتي ، يعني
سخني ماي وحطي كيس الشاي في المج أو الكوب الخاص بك وصبي
عليه الماي الحار ونطري شوي وشيلية ، خليه شوي لين تحملين حرارته بعدين مسحي عيونك من تحت بالكيس مجرد تدليك خفيف بالتربيت .
أو إذا تبين عزمي إختك أو أمك على كوب من شاي البابونج وراح تحصلين على كيسين حطيهم ككمادات وحطيهم وإسترخي وتمتعي في هذه الأثناء بشرب البابونج وهو شارب مفيد جدا جدا جدا جدا ، ومريح للأعصاب ومنظف للجهاز الهظمي .
وأما عن الكريم الخاص بهذه المنطقة فأنا جربت العديد والعديد ولا لقيت فائدة ملحوظة
جربت النوع التجاري والنوع الطبي والغالي والرخيص
أقولك في بعضهم أثر وفتحت المنطقة بس حرام ما أنصح فيهم لأنهم فتحوا المنطقة من
الإستعمالات الأولى وبعدين فقدوا تأثيرهم ..
وبما إنك ما تحبين الميك أب وايد يعني شكلك تملين وما تحبين تستمرين على نظام معقد
لفترة طويله أنصحك بإستخدام قناع من شيسدو ( هو لصقات هلاللية الشكل ) بمجرد ماتحطينها
راح تشوفين المنطقة نورت معاك وفتحت وايد .
وهو كقناع مو كريم يومي يعني ماراح تملينه إنشاء الله ..
وتحياتي لك ولجميع قراء الموضوع .
هالات سوداء تحت العين .. مالك إلا ...
متابعة النقاش، صفحة 6
