التجمع 119 للمقبلات على الحقن المجهري وأطفال الأنابيب

السلام عليكم ورحمة الله
متابعة لكم من بعيد ويعجبني تفاعلكم ومساندتكم لبعض الله يآجركم ويفرح قلوبكم ❤️
وحابه اسألكم حبوب( داهيا ) وين ممكن احصلها اللي عندها خبر لاتبخل علي بالرد 🌹

الله يعطيكم العافيه لكل وحده ردت علي
تصدقي مره نسيت هذا المختبر مع اني العام
سويت تحاليلي فيه وكانت ارخص بس انا الدكتور
قال البرج حيكون ارخص لك بس انصدمت من الاسعار
وسويت نصها بحدود ٣ الاف وشوي ان شاءالله اكمل تحاليلي في فيوتشر لاب الله يسعدك ويعين ع هالتكاليف

بنات اللي في جده تعرفو دكتور كويس غير مازن وسعد
وفواز
والله ودي اغير الدكتور سعر العمليه لوحدها صار ب ١٦ الف 😮 من غير الادويه والابر والتحاليل فيه كم وحده ف الانتظار قالت التوتل حيكون ٢٨ او ٣٠ الف
ماادري وين اروح ولا اتوكل ع الله مره اليوم نفسيتي سيئه احس حننضغط انا وزوجي وخوفني كمان قال لو مانجحت ماراح نعيدها عشان التكاليف حسبي الله ونعم الوكيل كل سنه تزيد الاسعار لاحسيب ولارقيب المفروض احنا حالات خاصه مو كفايه تأخر الحمل كمان تعب نفسي وجسدي ومادي والتأمين مايقبل اذا حقن مااعرف وش قاعده اقول فضفضه 💔

البنات اللي يبغون معلومات لبعد الترجيع
هذه تجارب بنات بتجمعنا نجحت عمليتهم من ثلاث أشهر الأخيرة ربي يتمم لهم على خير نسختها عندي


تجربة الأخت بياض الثلج ربي يتمم لها على خير


بالنسبة لموضوعي مع الحمل قبل سنتنين عملت تلقيح صناعي وفشلت وعملت اطفال الانابيب فرش وفشلت وقبل اسبوعين قررنا نعمل ارجاع الاجنة المجمدة كنا نبغى الدكتور الصفيان عند ذرية بس قلبي ما ارتاح له سبحان الله سوينها عند الملكه في الاخلاق والاسلوب والعلم ولانشراح الدكتور غادة غراب للامانه ماكنت اعرف عنها شي بس شجعني لما شفت حسابها في تويتر كل شوي منزله صور لها مع اطفال تبارك بنجاح عمليتهم وفعلا رحنا لها قالت شوفوا انا عندي الموضوع يختلف عن كل دكتوره ماعندي ادوية وخرابيط انا عملياتي طبيعية اترقب متى وقت التبويض وارجع لك الاجنة لو تاخر التبويض نسويها الدورة الجاية بس مستحيل استخدم ادويه ارتحت لها كثير وعرفت انها تشتغل بامانه وليست ماديه مثل البعض وقت الارجاع الخميس رجعت للبيت وحرصت على توفير هذه الاشياء ( لبن - حليب - مهلبية - زبادي- خيار- خس- سفرجل) اول ماوصلت للبيت ارتحت الى العصر وجلست بالصاله ماتحرك ابد خاصة اول يوم اكثر من اللبن والخيار والمهلبية حتى خفت يصيبني مغص

بذرية بالرياض بتكلف ٢٠ الف تقريبا
ابر و سحب و ترجيع و كشفية و اشعة
و ممكن تطلبي خصم

تجربة الأخت جوري يا قلبي ربي يتمم لها على خير


بكتب لكم نصايح ان شاء الله انها تفيدكم يارب وتدعون لي ١/ قبل التوجيع العشاء خفيف وكثري ماء علشان تنظفين بطنك من الامساك او اي شي عشاي كان زبادي وشربت ماء كثير ٢/ الصباح يوم الترجيع قبل اروح اخذت حليب مراعي مع ملعقة نشاء وخلطته با العلبه سواء وشربته ٣/ لبست قميص مو بجامه علشان ما انحد انزل نفسي وانا ارفع سروال البجامه فهمتو علي 😅 واستحميت قبل اروح بسايل استحمام ديتول غير معطر ولا رشيت عطر سمعت يأثر على الاجنه ٤/ ولما وصلت وقالوبدلي ملابس والبسي لبس المستشفى كان فيه ادراج احط فيها ملابسي خذيتدرج مرتفع علشان ما نزل للارض بعد ٥/ شربت ماء لما جاء دوري كنت مره محصوره رحت فضيت شوي بس يعني خليتها مليانه بس لدرجة اني امسي براحه ولما يضغطون على بطني مايزعجوني يعني اشربي لين تحسرين جاء دورك على طول روحي فضي شوي بسً بوصف لكم مثل علبة المويه تمبين منها شوي بس وتبقين ثلاث ارباع وتقفلين 🤣 تشبيه بليغ ٦/ لماوصلت للدكتوره وجت ترجع لي ماشديت ابد تقولي ارخي اترخي مره واغمض اعيوني ما افكر بتحت وايش يصير ابدا لانه مايوجع اصلا بس التفكير يخلي اعصابك مشدوده ٧/لما رجعت وخلصت حطيت يدي على بطني وقريت الادعيه اللي منزله اخت هنو عماد بداية التجمع الله يجزاها خير ٨/ بعدين طلعت اسماء الله الحسنى ال٩٩ وناديته فيهم كلهم وعيته يحفظ لي اجنتي سبحانه ما اعظمه ٩/ ارتحت نص ساعه تقريبا وقمت ورحت للحمام وسويت الطريقه اللي اعتمدناها قبل 😂😂 مدري تذكرون اخلص وانا واقفه لانه اساس كان مو نظيف 😩 ١٠/ بعده رجعت لقيت سرير فاضي وانسدحت نص ساعه ثانيه وكلمت زوجي وجاب لي كرسي ورحت للسياره ١١/او ثلاث ايام راحه تامه على الظهر عادي كنت امد رجل واثني الثانيه وابدل بينهم ماكنت ارتاح امدهم جميع ١٢/ الصلاه على الكرسي ودائما علي شراب ادفي رجولي ١٤/ كثرت من الماء والحليب واللبن والخيار والتفاح والبرتقال ١٥/ لما اقوم من السرير طريقتي علشان ماتظغطين على بطنك الف بهدوء على جنبي بعدين اقوم ارفع راسي وصدري بيدي لين اكون جالسه اخذ نفس واقوم ١٦/ الصلاه بوقتها واذكار الصباح والمساء والاستوداع الله صباحا ومساء ١٨/ اي اكل اجيبه من براء اجيب مشوي او رز ابيض اضمن مافيها بهارات محرضه للرحم ١٩/ اذا جاءك امساك خوذي فطيرة سبانخ مره تلين البطن ومفيده ٢٠/ دائما اكلي معتدل لاحار ولابارد درجة حرارة الغرفه ٢١/ابتعدت عن القهوه والشاي والشوكلاته والشيبسات واي اشياء دافيه ما اشربها وبس هذ اللي اتذكر ان شاء الله اكون افتدكم