بسم الله الرحمن الرحيم
السلام عليكم ورحمة الله وبركاته وبعد
اخواتي في الله كيف حالكم عساكم طيبات وفي أتم الصحه والعافيه 🌹 💚
موضوعي بنتي ضعيفه جدا في الدراسه قبل امس رسلت لي معلمتها درجاتها أغلبها نازله وفي مادتين مستواها ه يعني ظعيفه جدا وهذا الموضوع غث قلبي وتعبني 😔
بنتي حبوبه ومرحه ومطيعه ومؤدبه الا في الدراسه ضعيفه حاولت اجيب لها مدرسين خصوصين لكن للأسف مافي احد يستمر معنا بسبب بعد منطقتنا..
مرات اقول في نفسي اذا جات على الدراسه خليها عادي ليش لازم يكون كل عيالنا متفوقين هذي قدرات بما انها صحتها جديده واخلاقها حلوه الدراسه ملحوق عليها بكره تكبر وتفهم وتستوعب ويمكن تتغير..
مشكلتنا نبي كل شي مثالي.. حتى عيالنا نبيهم ولا غلطه متفوقين في كل شي نسينا إنا احنا بعد كنا مثلهم أطفال ومرينا بنفس ظروفهم وما فيه أحد ظغط علينا أهلنا خلونا على راحتنا في الدراسه فينا الي نجح وكمل علم وفينا الي اكتفي وأنشأ اسره وكان أيضا ناجح النجاح ما هو مقتصر على التفوق في الدراسه......
والله ما ني عارفه هل انا صح ولا اعزز لنفسي عشان ما اتعب وارهق نفسي من ألوم..
الحمدلله على كل حال 💚 وربي يسخر قلب بنتي للعلم ويشرح صدرها اللهم آمين 💚..
من مثلي بعد تعاني من ضعف عيالها في الدراسه وكيف تتقبل الأمر لاني والله اني اذاكر لها وكل وقتي لها لكن هيه تنسى بسرعه المعلومه وما تستوعب بسرعه... 😢💔
شاركي في النقاش
سجلي الدخول لإضافة تعليق.
التعليقات
18- من امس وانا عيني ما ذاقت النوم افكر فيها وكيف بتقبل الأمر كل يوم تسألني عند درجاتها ناجه ولا لا 😢
- أم سالم انتي اللي بنتك كانت شاطره و قريبتك قارنت بينها وبين بنتها ؟
ترى قلنا لك بنتك معيونه لازم تاخذين من القريبه أثر لازم تحاولين
انتي جالسه تعززين لنفسك و الواقع يحكي شي ثاني - نعم ايو انا هيه لكن كيف اوصل لها علاقتنا مش زي قبل ولا عاد تجي بيتنا ما املك غير الدعاء ورقيه وربي يستجيب يارب..
جزاك الله خير الجزاء اسعدني ردك عزيزتي ❤️ - طيب مو لازم أثر من أكلها أو شربها
أمسحي بفوطه مبلله عتبة باب بيتهم الخارجي مع مسكة الباب إذا هي ساكنه في منطقتك انتبهي لا يشوفك أحد منهم أو مركبين كاميرات خارجيه
أما لو كانت بعيده و تعرفين أحد يحفظ سرك يمسح عتبة بيتهم
حرام بنتك تتعذب و الحل بيدك عارفه سبب تدني بنتك فلازم تحاولين - شعورك عادي زي شعور اي ام ودها عيالها يكونو متفوقين ومن حقك لكن بنفس الوقت لاتحملين نفسك فوق طاقتك وهي نفس الشي وسوي معاها اللازم عشان لايكون فيه تقصير من ناحيتك وعشان لا كبرت لا تحس بهالشي انها كانت ضعيفه وامها استسلمت للأمر الواقع وتركتها فخليكي معاها في كل الأحوال والله يعينك ويعطيكي الأجر فيها وفي كل عيالنا يارب