شاركي في النقاش

سجلي الدخول لإضافة تعليق.

التعليقات

937
  1. راعيه الهاشمي
    تعب بالجيوب الانفيه سيلان خشم وانسداد بالخشم تعب بالمعده والقولون وتعب بالمثانه والرحم غير الصداع والضيقة والهم😩
    توكلي على الله واقري البقره قيام بعدعا ألحي الحي بالدعااء
    والله العظيم ان ربي رحيم ومجيب كم رفع عنا بالدعاء
    وانتي تدعين خليك موقنه خلقنا من عدم قادر يزيل الضر
    وكثري بيومك استغفار وحوقله وصلاة على النبي الف أقلها لكل منها
    وتجنبي المعاصي
  2. @aankaaa_zhr_alrman24

    صاحبة الموضوع
    أكمل قصتي مع الرقية بإختصار أحاول أعصر مخي وأتذكر ذاكرتي بعد ماكانت قوية فجأة قمت أنسى طبعا قبل الرقية هالكلام ومن فترة بسيطة قامت ذاكرتي تحسن شوي شوي الحمدلله ..


    نسيت لا أقولكم طبقت برنامج للرقية اظن اسمه برنامج سورة البقرة المكثف واستفدت حيل منه حسيت بخفة واضحة طبعا هو تشربين سنا مكي وهذي العشبة معروفة تنظف البطن يعني ان شاء الله راح تفيد .. قبل لا أطبق البرنامج كثفت الرقية علشان العارض يضعف وبعدين جربت برنامج سورة البقرة ..


    طبعا ظليت مستمرة على قراءة خمس أجزاء وزدت حتى وصلت الى عشر أجزاء وساعات 12 جزء يوميا .. الأعراض لازالت ماكانت تخف وايد الخمول والكسل والنعاس والنوم والضيقة والكآبة خفت لكن لاتزال قاتلة .. اللي زاد الطين بلة اني دايما افكر بالشفاء وشلون انتقم من العارض كنت ماني فاهمة ليش تكةن حالتي ممتازة وبلحظة حالتي تصير سيئة جدا جدا لحد ما قالت لنا فجر الغد انه الشيطان يستقوى اذا انذكر .. وانا طول اليوم هاتك يا تفكير بالعارض وطريقة الرقية والخطط المعدة للقضاء عليه هني بداية جديدة بعلاجي
    تزامن انه تعبت قلت اريح شوي من الرقية وهالراحة استمرت سنتين ثلاثة كل مابي ارجع للرقية اما أأجل أو عراقيل كمبيوتري خرف وتلفوني مايدخل من المنتدى لحد ماستخرت ارجع للرقية ولا لا وسبحان الله بأيام فتحت التجمع


    الفتره اللي ماقريت فيها رقية كنت أجاهد اني مافكر بالعارض والمرض ما أخفيكم كان الأمر أشبه بالتعذيب صعب علي لأني كل يوم انتظر الشفاء وأحلم فيه وخذا مني أشهر تخيلو أشهر


    من هني يا بنات حالتي بدت تحسن أو نقول تثبت على التحسن قبل أتحسن وفجأة بسم الله انتكس .. لكن من بطلت افكر بالعارض والمرض حالتي صارت أحسن بوايــــــــد




    بهذي الفترة بديت ارجع اشتغل بالبيت لأني الأخت الكبيرة وحابة اسوي شي مليت من القعدة .. طبعا كنت أسوي وجبة وحدة باليوم وروحي شوي وتطلع كأنه روحي تطلع مني وانا اشتغل شوي شوي ومع هذا كنت استمر بالشغل اللي اسويه ساعات اقدر أكمل وساعات لا .. كل ثلاث أربع شهور كانت صحتي تنتقل لمستوى ثاني أتحسن بشكل ملحوظ ..


    ونقول من سبع ثمن شهور كنت اشتغل وانا أمشي حسيت برفرفه جنب قلبي كأنه عصفور صغير حسيت قلبي راح يوقف كانت الحركة مؤلمة بشكل مو طبيعي كنت أمشي لما حسيت بالرفرفه وكملت مشيي ماهتميت وايد هذا ولا شي قدام اللي شفته خلال الست السبع سنين ماعدت أبالي حتى و قلبي قاعد يعورني .. سبحان الله تقريبا ظلت الرفرفة دقيقة ولا دقيقتين وبعدها كأنه شي راح من صدري من قلبي حسيت بنشاط وحيوية يمكن بنفس اللحظة !!!!


    ومنها النعاس الكسل وانه اتعب بالشغل خف بنسبة كبيـــــــــرة صرت أقدر اتحرك أقدر اشتغل رجعت أسولف واضحك مثل قبل قبل اني اسولف يتطلب مجهود !!


    عالم غريب اللي دخلت فيه من بديت الرقية .. حسبي الله ونعم الوكيل


    وهذي قصتي بإختصار .. وان شاء الله باقي أكتب لكم نقاط مريت فيها خلال التجربة الصعبة هذي
  3. @ahbar_mn_thhb

    بنات فيني ضيقه ودي افضفض واطلع اللي بصدري
    معقوله المرض الروحي يسوي كذا والا وش سبب اللي انا فيه يا بنات .... حياه ممله ممله وضيقة صدر ... احس ما بغى اسوي شي ولا اقدر انجز شي
    اهمااااال بكل شي ... بيتي مكركب ... ودراستي مهمله مقدر انجز فيها ... حتى الاكل ماودي اطبخ ولا حتى اكل
    تعبت من حياة الضياع هذي والاكتئاب وش اسوي بنفسي 😩 لمتى بظل كذا عمري راح وانا ما حققت ولاشي في حياتي ... عادي عندي ينقضي اليوم كامل وانا بسريري ما تحركت
  4. @raaayh_alhashmy

    المميزه جاتكم
    توكلي على الله واقري البقره قيام بعدعا ألحي الحي بالدعااء والله العظيم ان ربي رحيم ومجيب كم رفع عنا بالدعاء وانتي تدعين خليك موقنه خلقنا من عدم قادر يزيل الضر وكثري بيومك استغفار وحوقله وصلاة على النبي الف أقلها لكل منها وتجنبي المعاصي
    ان شاء الله
    شكراا جزيلااا

تابعي تجارب أخرى من هذا القسم.